Air India Plane Crash: हॉस्टेलच्या छतावर अडकलेल्या विमानाच्या शेपटीमध्ये सापडला मृतदेह
By ऑनलाइन लोकमत | Updated: June 14, 2025 14:54 IST2025-06-14T14:54:07+5:302025-06-14T14:54:59+5:30
Air India plane crash Update: ज्या ठिकाणी एअर इंडियाचे एआय१७१ विमान कोसळले, तिथे अजूनही शोध कार्य सुरू आहे. त्याचबरोबर विमानाचे वेगवेगळे झाले भाग हटवले जात असून, छतावर अडकलेल्या शेपटीमध्ये एक मृतदेह आढळला आहे.
Air India Plane Crash: हॉस्टेलच्या छतावर अडकलेल्या विमानाच्या शेपटीमध्ये सापडला मृतदेह
Plane Crash News: लंडनला जाणारे एअर इंडियाचेविमान अहमदाबाद विमानतळावरून झेपावले, पण काही सेंकदांमध्येच ते जमिनीवर पडले. या भीषण घटनेत आतापर्यंत २७५ जणांचा मृत्यू झाला आहे. अजूनही घटनास्थळी शोध कार्य सुरूच असून, शनिवारी हॉस्टेलच्या छतावर अडकलेल्या विमानाच्या सांगाड्यात एक मृतदेह चिकटलेल्या अवस्थेत आढळून आला.
'लोकमत'चं WhatsApp चॅनल फॉलो करा!
घटनास्थळी शोध आणि मदत कार्य सुरूच आहे. विमानांचे वेगवेगळे भाग हटवले जात आहेत. त्याचबरोबर श्वानांच्या मदतीनेही काही मृतदेहांचा शोध घेतला जात आहे. या अपघातात विमानाची शेपटी बीजे वैद्यकीय महाविद्यालयाच्या छतावर अडकली होती.
वाचा >>'नो थ्रस्ट', अपघातापूर्वी पायलट सुमित सभरवालांचा ATC ला मेसेज; विमान का कोसळले?
ही शेपटी खाली उतरवण्याचे काम सुरू करत असताना शनिवारी त्यात एक मृतदेह अडकलेल्या अवस्थेत आढळून आला. हा मृतदेह बाहेर काढून खाली आणण्यात आला. त्यानंतर तो शवविच्छेदनासाठी पाठवण्यात आला. हा मृतदेह कुणाचा, याबद्दल निश्चित माहिती मिळू शकली नसली, तरी तो एअर होस्टेसचा असण्याची शक्यता व्यक्त करण्यात आली आहे.
#WATCH | #AhmedabadPlaneCrash | NSG, NDRF, Air Force, FSL, Fire rescue force, AAIB, DGCA, and CISF teams inspect the wreckage of the ill-fated London-bound Air India flight on the rooftop of the doctors' hostel in Ahmedabad. pic.twitter.com/oVZ4EF6OJo
— ANI (@ANI) June 14, 2025
२७० मृतदेहांचे शवविच्छेदन
अहमदाबाद सिव्हिल रुग्णालयात विमान अपघातातील मृतदेह नेण्यात येत आहेत. आतापर्यंत २७० मृतदेहांचे शवविच्छेदन करण्यात आले आहे. त्याचबरोबर २३० मृतदेहांची डीएनए नमुने घेण्यात आले आहेत. आतापर्यंत ८ मृतदेहांची ओळख पटली आहे.
एअर इंडिया फ्लाईट नंबर १७१ बंद करणार
एआय १७१ या ड्रीमलायनर विमानाचा भयंकर अपघात झाला. या भीषण घटनेनंतर एअर इंडियाने १७१ हा फ्लाईट नंबर कायमचा बंद करण्याचा निर्णय घेतला आहे.
सूत्रांनी दिलेल्या माहितीनुसार, सर्वसामान्यपणे कोणत्याही भयंकर अपघातानंतर हवाई वाहतूक करणारी विमान कंपनी त्या विमानाचा नंबर बंद करते.