जोरदार आवाज, सगळीकडे धूर अन् समोर मृतदेहांचा खच; प्रत्यक्षदर्शींनी विमान अपघातावेळी काय पाहिलं?

अहमदाबादहून लंडन गॅटविकसाठी उड्डाण करत असलेले हे विमान टेक ऑफनंतर अवघ्या काही मिनिटांत कोसळले. यावेळी मोठा स्फोट झाल्यासारखा आवाज आला होता.

गुजरातमधील अहमदाबाद येथे एक भीषण विमान अपघात घडला असून, एअर इंडियाचे बोईंग ड्रीमलायनर ७८७ हे विमान टेक ऑफ करताच कोसळले. या विमानात २४२ प्रवासी व १० क्रू मेंबर्स होते. एअर इंडियाचे हे विमान मेघानी नगर या नागरी वस्तीतील रुग्णालयाच्या इमारतीवर कोसळले. अहमदाबादहून लंडन गॅटविकसाठी उड्डाण करत असलेले हे विमान टेक ऑफनंतर अवघ्या काही मिनिटांत कोसळले. यावेळी मोठा स्फोट झाल्यासारखा आवाज आला होता. या अपघातावेळी नेमकं काय झालं, हे तिथल्या एका प्रत्यक्षदर्शी व्यक्तीने पीटीआयशी बोलताना सांगितलं. 

जोरदार आवाज, सगळीकडे धूर अन्

एअर इंडिया विमानाचा अपघात घडला त्यावेळी तिथेच उपस्थित असलेल्या एका व्यक्तीने त्यावेळी नेमकं काय घडलं हे सांगितलं. तो म्हणाला, "एअर इंडियाचे हे विमान कोसळले तेव्हा मी घरी होतो, अचानक एक स्फोटक आवाज ऐकू आला. हा आवाज ऐकून आम्ही बाहेर येऊन पाहिलं, तेव्हा समोर काळसर धुराचे मोठे लोट दिसत होते. जेव्हा आम्ही धावत धावत इथे पोहोचलो, तेव्हा अपघातग्रस्त विमानाचे अवशेष आणि मृतदेह सगळीकडे विखुरलेले दिसले."

VIDEO | Ahmedabad plane crash: Here's what an eyewitness said:

"I was at home when we heard a massive sound. When we went out to see what had happened, there was a layer of thick smoke in the air. When we came here, dead bodies and debris from the crashed aircraft were scattered… pic.twitter.com/Km0xCm9yde

— Press Trust of India (@PTI_News) June 12, 2025

#WATCH | Ahmedabad plane crash | A man, who claims to be an eyewitness, says, "...I have my office 200 metres from here. As soon as I stepped out of the office, I heard a very loud noise, and smoke filled the area suddenly. A commotion broke out here and then we saw that this… pic.twitter.com/xcXoeIwVEH

— ANI (@ANI) June 12, 2025

कसा घडला अपघात?

एअर इंडियाचे बोईंग-७८७ हे विमान अहमदाबाद विमानतळावरून लंडनसाठी रवाना झाले होते. मात्र, उड्डाणानंतर काही वेळातच विमान हळूहळू खाली येऊ लागले. खाली येत असतानाच विमान विमानतळ परिसरातच एका पाच मजली इमारतीवर आदळले. इमारतीला धडकल्यानंतर विमानाने पेट घेतला. 

दुपारी १.३१ वाजता उड्डाण केल्यानंतर केवळ सात मिनिटांतच, म्हणजेच १.३८ वाजता विमानाचा संपर्क तुटला आणि काही क्षणातच हा मोठा अपघात झाला.