Air Ambulance Crash: रांचीहून दिल्लीला जाणारी एअर अँब्युलन्स 'क्रॅश'! विमानात रुग्णासह ७ लोक, जंगलात भीषण अपघात

Ranchi Air Ambulance Crash: विमानात दोन पायलट, एक रुग्ण, एक डॉक्टर, एक पॅरामेडिक आणि दोन अटेंडंट असल्याची माहिती

Jharkhand Air Ambulance Crash: झारखंडची राजधानी रांचीहून दिल्लीला जाणाऱ्या चार्टर्ड एअर अँम्ब्युलन्सचा अपघात झाला. मिळालेल्या वृत्तानुसार, विमानाने रांची विमानतळावरून उड्डाण केले आणि दिल्लीला पोहोचणार होते. पण उड्डाणानंतर काही वेळातच विमानाचा रडारशी संपर्क तुटला, ज्यामुळे विमानतळ अधिकारी आणि सुरक्षा यंत्रणांमध्ये चिंता निर्माण झाली. रांची विमानतळ अधिकाऱ्यांनी विमानाने सामान्य उड्डाण केल्याची पुष्टी केली. त्यानंतर तातडीने शोध मोहीम सुरू करण्यात आली. सिमरिया पोलिस स्टेशन परिसरातील कर्माटंड गावाजवळील घनदाट जंगलात विमान कोसळल्याचे तपासात उघड झाले. विमानात एकूण रुग्णासह सात जण होते. अपघातात रुग्णाचा मृत्यू झाल्याची माहिती मिळत आहे.

VIDEO | An air ambulance with seven people onboard to Delhi from Ranchi crashed near Simaria in Jharkhand's Chatra district on Monday, Ranchi airport Director Vinod Kumar said.

The crash occurred after the air ambulance took off from Ranchi airport at about 7.10 pm, the official… pic.twitter.com/4ZgxOMKLUo

— Press Trust of India (@PTI_News) February 23, 2026

----

An air ambulance, with seven people (including 2 crew members) on board, crashed in Kasariya Panchayat, Simariya block of Chatra district, in Jharkhand. It was a Redbird Airways Pvt Ltd Beechcraft C90 aircraft VT-AJV operating a medical evacuation (air ambulance) flight on the… pic.twitter.com/tlJKFbKASs

— ANI (@ANI) February 23, 2026

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

विमानात कोण-कोण होते?

प्रारंभिक माहितीनुसार, एअर अँम्ब्युलन्समध्ये एकूण सात लोक होते. सर्व प्रवाशांच्या प्रकृतीबाबत सध्या अधिकृत पुष्टी मिळालेली नाही. प्रशासनाने या घटनेची चौकशी करण्याचे आदेश दिले आहेत आणि अपघाताचे कारण शोधण्यासाठी प्रयत्न सुरू आहेत. अधिकृत माहितीनुसार, विमानात दोन पायलट, एक रुग्ण, एक डॉक्टर, एक पॅरामेडिक आणि दोन अटेंडंट होते.

पायलट: विवेक विकास भगत
पायलट: सवराजदीप सिंग
रुग्ण: संजय कुमार (वय ४१ वर्षे)
पॅरामेडिक: सचिन कुमार मिश्रा
डॉक्टर: विकास कुमार गुप्ता
अटेंडंट: अर्चना देवी
अटेंडंट: धुरु कुमार

DGCA issues a press note - "On 23.02.2026 Redbird Airways Pvt Ltd Beechcraft C90 aircraft VT-AJV operating medical evacuation (Air Ambulance) flight on sector "Ranchi-Delhi" crashed in Kasaria Panchayat of Chatra district, in Jharkhand. There were seven persons on board including… https://t.co/SaH1oCpQ7Npic.twitter.com/1DLzPKTrgf

— ANI (@ANI) February 23, 2026

बचाव कार्य सुरू

उड्डाणानंतर काही वेळातच विमान कोसळले, तेव्हा हे सर्व लोक विमानात होते. सध्या मदत आणि बचाव कार्य सुरू आहे आणि संबंधित सर्वांच्या प्रकृतीबाबत अधिकृत अपडेट्सची वाट पाहत आहे. अपघाताची माहिती मिळताच, जिल्हा प्रशासन, पोलिस आणि बचाव पथके घटनास्थळी दाखल झाली. अपघातस्थळ घनदाट जंगलात आणि दुर्गम भागात असल्याने बचावकार्यात मोठ्या अडचणी येत आहेत. स्थानिक ग्रामस्थांच्या मदतीने बचाव कार्य सुरू आहे.