Ahmedabad Plane Crash : हृदयद्रावक! "MY LOVE...", विमान अपघातात गर्लफ्रेंडचा मृत्यू, डोळे पाणावणारा Video
By ऑनलाइन लोकमत | Updated: June 14, 2025 13:02 IST2025-06-14T13:02:14+5:302025-06-14T13:02:40+5:30
Ahmedabad Plane Crash : विमान अपघातात एका तरुणाने आपली गर्लफ्रेंड गमावली आहे. दुःखाने व्याकुळ झालेल्या तरुणाचा व्हिडीओ सध्या सोशल मीडियावर व्हायरल होत आहे.
Ahmedabad Plane Crash : हृदयद्रावक! "MY LOVE...", विमान अपघातात गर्लफ्रेंडचा मृत्यू, डोळे पाणावणारा Video
अहमदाबादमध्ये एअर इंडियाच्या विमानाला झालेल्या भीषण अपघातामध्ये विमानातील २४१ जणांसह हे विमान ज्या इमारतींवर कोसळले तेथील काही जण अशा २६५ हून अधिक जणांचा मृत्यू झाला आहे. या अपघातात मृत्युमुखी पडलेल्या व्यक्तींचे नातेवाईक अहमदाबादमध्ये आपल्या जवळच्या व्यक्तीचे मृतदेह ताब्यात घेण्यासाठी आले असून त्याचा आक्रोश हेलावून टाकत आहे.
विमान अपघातात एका तरुणाने आपली गर्लफ्रेंड गमावली आहे. दुःखाने व्याकुळ झालेल्या तरुणाचा व्हिडीओ सध्या सोशल मीडियावर व्हायरल होत आहे. व्हिडीओ पाहून सर्वांचेच डोळे पाणावले आहेत. हॉस्पिटलच्या वेटिंग रूममध्ये हा तरुण आपल्या गर्लफ्रेंडचा मृतदेह ताब्यात घेण्यासाठी आला होता. पत्रकार तमाल सहा यांनी आपल्या ट्विटर अकाऊंटवरून हा व्हिडीओ शेअर केला आहे.
At hospital waiting room, we found this young man. The body was yet to be handed over.
— Tamal Saha (@Tamal0401) June 13, 2025
He quietly sat there and wept on his own. He lost his girlfriend. No one by his side but a whole bundle of memories that he has to live with for the rest of his life.
“Who are you waiting… pic.twitter.com/pdxsZhBPPN
"आम्हाला हॉस्पिटलच्या वेटिंग रूममध्ये हा तरुण दिसला. त्याच्या गर्लफ्रेंडचा मतदेह अजून त्याच्या ताब्यात देण्यात आलेला नव्हता. तो शांतपणे बसून एकटाच रडत होता. त्याने त्याची गर्लफ्रेंड गमावली. त्याच्या बाजूला कोणीही नव्हतं, फक्त आठवणी होत्या, त्या आठवणींसह आता त्याला आयुष्यभर जगायचं आहे. कोणाची वाट बघत आहात? असं विचारल्यावर त्याने फक्त MY LOVE असं उत्तर दिलं. बातमी समजताच तो मुंबईहून धावत आला" असं तमाल यांनी व्हिडीओच्या कॅप्शनमध्ये म्हटलं आहे.
"अपघात झाला कसा, एकाच वेळेला २ इंजिन कशी बंद पडली, सायबरच्या माध्यमातून हायजॅक केली का?"
विजय रुपाणींचा लकी नंबर १२०६ ठरला मृत्यूचा दिवस
गुजरातचे माजी मुख्यमंत्री विजय रुपाणी यांचा गुरुवारी अहमदाबाद येथील विमान अपघातात दुर्दैवी मृत्यू झाला. रुपाणी हे १२०६ हा अंक स्वत:साठी भाग्यवान संख्या मानत होते. या आकड्यासोबत भावनिक नाते असल्यामुळे रुपाणी यांच्याकडील सर्व वाहनं १२०६ या क्रमांकाची होती. गुरुवारी अहमदाबादेत विमान अपघात झाला ती तारीख १२ जून म्हणजे १२०६ होती. त्यामुळे रुपाणी यांचा सर्वांत आवडता लकी नंबर दुर्दैवाने त्यांच्या आयुष्याचा शेवटचा दिवस ठरला आहे. रुपाणी यांच्या स्कूटरपासून कारपर्यंतच्या सर्व वाहनांचा १२०६ हा नंबर होता, असं स्थानिकांनी सांगितलं.