विजय रुपाणींचा विमानात बसलेला फोटो समोर आला; पंतप्रधान नरेंद्र मोदी अहमदाबादकडे रवाना 

Air India Plane Crash, Vijay Rupani news : विजय रुपाणी आपल्या विमानातून प्रवास करत असल्याचा सेल्फी त्यांच्या पुढील सीटवर बसलेल्या एका महिला प्रवाशाने सोशल मीडियावर पोस्ट केला होता.

गुजरातच्या अहमदाबादमध्ये मोठा विमान अपघात झाला आहे. लंडनला जाणाऱ्या या एअर इंडियाच्या विमानात २४२ प्रवासी होते, तर हे विमान ज्या भागात कोसळले तो रहिवासी भाग होता. बीजे मेडिकल कॉलेजच्या हॉस्टेलवर पहिले विमान धडकले आहे. यामुळे मृतांची संख्या वाढण्याची शक्यता आहे. या विमानातून गुजरातचे माजी मुख्यमंत्री विजय रुपाणी देखील होते, हे आता स्पष्ट होत आहे. 

मेडिकल कॉलेजचे डॉक्टर मेसमध्ये जेवण करत होते, तेवढ्यात...; २० इंटर्न डॉक्टरांच्या मृत्यूची भीती व्यक्त

विजय रुपाणी आपल्या विमानातून प्रवास करत असल्याचा सेल्फी त्यांच्या पुढील सीटवर बसलेल्या एका महिला प्रवाशाने सोशल मीडियावर पोस्ट केला होता. बिझनेस क्लासमधून रुपाणी लंडनला जात होते. रुपाणी यांची पत्नी आणि मुलगी लंडनला राहत आहेत. त्यांना भेटण्यासाठी रुपाणी निघाले होते. विजय रुपाणी यांचे नाव प्रवाशांच्या यादीत १२ व्या क्रमांकावर आहे आणि त्यांचा सीट क्रमांक २डी आहे. दरम्यान, अद्याप मृतांचा आकडा समोर आलेला नाही. परंतू, २०० हून अधिक प्रवाशांचा मृत्यू झाल्याची शक्यता वर्तविण्यात येत आहे. तसेच बीजे मेडिकल कॉलेजच्या २० हून अधिक इंटर्नचा देखील मृत्यू झाल्याची भीती व्यक्त केली जात आहे. 

विमान अपघाताची व्याप्ती समजताच केंद्रीय गृहमंत्री अमित शाह अहमदाबादला रवाना झाले होते. यानंतर लगेचच पंतप्रधान नरेंद्र मोदी देखील अहमदाबादला रवाना झाले आहेत. अहमदाबाद विमानतळावरील सर्व उड्डाणे रद्द करण्यात आली आहेत. 

बचाव कार्यासाठी पोलीस, एनडीआरएफ, पोलीस, सैन्याचे जवान, बीएसएफ आदी यंत्रणा काम करत आहे. प्रवाशांच्या नातेवाईकांच्या संपर्कासाठी तातडीने हेल्प डेस्क निर्माण करण्यात येत आहे.