दोन तास मी त्याच विमानात होतो, काहीतरी असमान्य वाटत...; दिल्लीहून अहमदाबादला आलेल्या प्रवाशाचे ट्विट

Air India Flight AI171 Crash: एअर इंडिया असे नादुरुस्त विमान लंडनच्या सात हजार किमीच्या अंतरासाठी कसे पाठवू शकते, असा सवाल आता उपस्थित होत आहे. 

लंडनला जाणारे एअर इंडियाचेविमान दिल्लीहून अहमदाबादला आल्याचा दावा एका व्यक्तीने केला आहे. या विमानात काहीतरी असामान्य वाटत होते, विमानातील सीटवरील डिस्प्ले, बटन काम करत नव्हते, एसीही काम करत नव्हते, असा दावा या व्यक्तीने केला आहे. 

आकाश वत्स नावाच्या या व्यक्तीने आपण त्या विमानातून प्रवास केल्याचे म्हटले आहे. अहमदाबाद वरून उड्डाण करण्यापूर्वी मी त्याच फ्लाइटमध्ये होतो. मी दिल्लीहून अहमदाबादला आलो होतो. मला विमानात असामान्य गोष्टी दिसल्याचे त्याने एक्सवरील पोस्टमध्ये म्हटले आहे. तसेच या पोस्टमधील व्हिडीओत विमानातील एसी काम करत नसल्याने आपण आणि इतर प्रवासी मॅकझीनने हवा घालत असल्याचे म्हटले आहे.

हे व्हिडीओ त्याने एअर इंडियाला एक्सवर पाठविण्यासाठी रेकॉर्ड केले होते. या पोस्टमधील त्याच्या दाव्याने एअर इंडियातील एसी काम करत नव्हता, डिस्प्लेचा टच काम करत नव्हता, क्रू मेंबरशी बोलण्यासाठी असलेला फोनही काम करत नसल्याचे समोर येत आहे. एअर इंडिया असे नादुरुस्त विमान लंडनच्या सात हजार किमीच्या अंतरासाठी कसे पाठवू शकते, असा सवाल आता उपस्थित होत आहे. 

I was in the same damn flight 2 hours before it took off from AMD. I came in this from DEL-AMD. Noticed unusual things in the place.Made a video to tweet to @airindia i would want to give more details. Please contact me. @flyingbeast320@aajtak@ndtv@Boeing_In#planecrash#AI171pic.twitter.com/TymtFSFqJo

— Akash Vatsa  (@akku92) June 12, 2025

अहमदाबादहून दुपारी १:३८ वाजता निघालेले हे विमान बोईंग ७८७-८ विमान होते ज्यामध्ये २४२ प्रवासी आणि क्रू मेंबर्स होते. यापैकी १६९ भारतीय नागरिक, ५३ ब्रिटिश नागरिक, १ कॅनेडियन नागरिक आणि ७ पोर्तुगीज नागरिक होते.जखमींना जवळच्या रुग्णालयात नेण्यात येत आहे. अधिक माहिती देण्यासाठी एअर इंडियाने १८०० ५६९१ ४४४ हा प्रवासी हेल्पलाइन क्रमांक देखील सुरू केला आहे.