'मला माहित नाही मी कसा वाचलो', विमान अपघातात वाचलेला एकमेव प्रवासी; PM मोदींनी घेतली भेट

Ahmedabad Plane Crash Survivor: विमान अपघातात रमेश विश्वास यांचा जीव वाचला, मात्र त्यांचा भावाचा मृत्यू झाला.

Air India Plane Crash Survivor: काल म्हणजेच १२ जून २०२५ रोजी देशाला हादरुन टाकणारी घटना घडली. गुजरातच्या अहमदाबादहून लंडनला जाणारे एअर इंडियाचे बोईंग ७८७ ड्रीमलाइनर विमान(एआय-१७१) उड्डाणानंतर लगेचच कोसळले. या घटनेत विमानातील विमानातील २४१ प्रवासी आणि क्रु मेंबर्ससह सुमारे २५ स्थानिकांचा दुर्दैवी मृत्यू झाला. पण, या अपघातात चमत्कारीकरित्यात्या एका प्रवाशाचा जीव वाचला वाचला आहे.

विमान कोसळल्यानंतर त्यातील इंधनामुळे भीषण आग लागली, ज्यात सर्वांचा जळून मृत्यू झाला. मात्र, रमेश विश्वास नावाचा ब्रिटीश तरुण या भीषण अपघातातून वाचला आहे. विमान कोसळताना जेव्हा इमारतीला धडकले, त्याचवेळी रमेश विमानातून खाली पडल्यामुळे त्यांचा जीव वाचल्याचे बोलले जात आहे. मात्र, या अपघातात त्यांचा भावाचा मृत्यू झाला आहे. हिंदी वृत्तवाहिनी आज तकने लंडनमध्ये रमेश यांच्या कुटुंबाशी बातचीत केली. 

पीएम मोदींनी घेतली भेट

#WATCH | Prime Minister Narendra Modi meets the lone survivor of yesterday's #AirIndiaPlaneCrash.

241 of 242 who were onboard the plane lost their lives.

(Source - DD) pic.twitter.com/tVXoscmOPE

— ANI (@ANI) June 13, 2025

यादरम्यान, रमेश विश्वास यांचा लहान भाऊ नयन याने सांगितले की, अपघातानंतर आमचे रमेश याच्याशी बोलणे झाले, तो सध्या रुग्णालयात आहे. पण, आमचा दुसरा भाऊ अजयबद्दल काहीही माहिती मिळालेली नाही. आम्ही अजयबद्दल काय माहिती मिळते, याची वाट पाहत आहोत. आम्ही लवकरच भारताला रवाना होत आहोत. आम्हाला आशा आहे की, विश्वास जसा सुरक्षित आहे, तसेच अजयबद्दलही काही चांगली बातमी मिळेल. 

रमेश विश्वासने अपघाताबद्दल काय सांगितले? असे विचारले असता नयन म्हणाला की, त्यालाही विमान कसे कोसळले आणि तो कसा वाचला, हे त्यालाही काही कळत नाहीये. तो वाचला, यातच आम्ही समाधानी आहे, परंतु अजयबद्दल काहीही माहिती नसल्याने कुटुंबीय चिंतेत असल्याची प्रतिक्रिया नयन याने व्यक्त केली. दरम्यान, अहमदाबाद सिव्हिल हॉस्पिटल प्रशासनाने विमान अपघातात मृत्युमुखी पडलेल्या प्रवाशांच्या नातेवाईकांकडून त्यांची ओळख पटविण्यासाठी डीएनए नमुने घेण्याची प्रक्रिया सुरू केली आहे.