'देशाच्या पंतप्रधानांना भेटणे गुन्हा आहे का?, आचार्य प्रमोद कृष्णम यांच्या पोस्टने चर्चेला उधाण

काँग्रेस नेते आचार्य प्रमोद कृष्णम यांनी पंतप्रधान नरेंद्र मोदी यांची भेट घेतल्याने विविध चर्चा सुरू झाल्या आहेत.

नवी दिल्ली :काँग्रेसमध्ये (Congress) असूनही काँग्रेसच्या धोरणांवर आणि निर्णयांवर टीका करणारे काँग्रेस नेते आचार्य प्रमोद कृष्णम (Acharya Pramod Krishnam) यांनी पंतप्रधान नरेंद्र मोदी (Narendra Modi) यांची भेट घेतली. या भेटीदरम्यान त्यांनी पंतप्रधानांनना उत्तर प्रदेशातील संभल येथे 19 फेब्रुवारी रोजी होणाऱ्या श्री कल्की धामच्या पायाभरणी समारंभासाठी आमंत्रित केले. या भेटीनंतर त्यांनी माध्यमांशी संवाद साधला.

काँग्रेस नेते आचार्य प्रमोद कृष्णम यांनी पंतप्रधान मोदींच्या भेटीबाबत सांगितले की, 'भारताच्या पंतप्रधानांना भेटणे हा गुन्हा नाही, त्यांना श्री कल्की धामच्या पायाभरणी समारंभासाठी आमंत्रित करणे, हाही गुन्हा नाही आणि तो गुन्हा असेल तर मी त्याची शिक्षा भोगायला तयार आहे.' पीएम मोदींना भेटल्यानंतर आचार्य प्रमोद कृष्णम सोशल मीडियावर ट्रेंड करत आहेत.

#WATCH कांग्रेस नेता आचार्य प्रमोद कृष्णम ने प्रधानमंत्री मोदी से मुलाकात पर कहा, "भारत के प्रधानमंत्री से मिलना कोई गुनाह नहीं है, उन्हें श्री कल्कि धाम के शिलान्यास समारोह के लिए आमंत्रित करना भी कोई गुनाह नहीं है और अगर यह गुनाह है तो मैं इसकी सज़ा भुगतने के लिए तैयार हूं।" pic.twitter.com/NTfktfgcFt

— ANI_HindiNews (@AHindinews) February 2, 2024

पीएम मोदींची भेट घेतल्यानंतर आचार्य प्रमोद कृष्णम यांनी 'एक्स' वर सांगितले होते की, 'मला 19 फेब्रुवारी रोजी होणाऱ्या श्री कल्की धामच्या पायाभरणी समारंभासाठी पंतप्रधान श्री नरेंद्र मोदी यांना आमंत्रित करण्याचा बहुमान मिळाला. हे आमंत्रण स्वीकारल्याबद्दल माननीय पंतप्रधानांचे मनःपूर्वक आभार.'

19 फ़रवरी को आयोजित “श्री कल्कि धाम”
के शिलान्यास समारोह में भारत के यशस्वी प्रधानमन्त्री,आदरणीय श्री @narendramodi जी को आमंत्रित करने का सौभाग्य प्राप्त हुआ, मेरे इस पवित्र “भाव”
को स्वीकार करने के लिये माननीय प्रधान मन्त्री जी का हार्दिक आभार एवं साधुवाद.@PMOIndiapic.twitter.com/5J495Rmoc4

— Acharya Pramod (@AcharyaPramodk) February 1, 2024

काँग्रेस नेत्याच्या या पोस्टला उत्तर देताना PM मोदी म्हणाले की, 'श्रद्धा आणि भक्तीच्या या पवित्र सोहळ्याचा भाग होणे माझ्यासाठी भाग्याची गोष्ट आहे. आचार्य प्रमोदजी, आमंत्रणासाठी तुमचे मनःपूर्वक आभार.' विशेष म्हणजे, गेल्या काही दिवसांपासून आचार्य प्रमोद काँग्रेस नेतृत्वाच्या काही निर्णयांवर टीका करत आहेत. कृष्णम यांनी 22 जानेवारीला अयोध्येत रामललाच्या अभिषेक सोहळ्यात सहभागी न होण्याच्या काँग्रेस नेत्यांच्या निर्णयावरही टीका केली होती.