बिहारमधील ढासळलेल्या कायदा आणि सुव्यवस्थेबाबत अनेक बातम्या येत असतात. आता बिहारमधील या ढिसाळ कायदा आणि सुव्यवस्थेचा फटका प्रसिद्ध गायिका आणि भाजपाच्याआमदार मैथिली ठाकूर यांच्या कुटुंबीयांना बसला आहे. एका कार्यक्रमासाठी गेल्या असताना मैथिली ठाकूर यांच्या आई भारती ठाकूर यांच्याकडील मौल्यवान वस्तूंवर चोरट्यांनी डल्ला मारल्याचे समोर आले आहे. चोरीची ही घटना १ फेब्रुवारी रोजी घडली.
याबाबत मिळालेल्या अधिक माहितीनुसार अलिनगर विधानसभा मतदारसंघातील घनश्यामपूर पोलीस ठाण्याच्या हद्दीतील लालापट्टीगावात एका बैठकीला जाताना मैथिली ठाकूर यांच्या आई भारती ठाकूर यांनी त्यांची पर्स कारमध्ये ठेवली होती. मात्र जेव्हा त्या बैठकीहून परतल्या तेव्हा कारमधील पर्स गायब असल्याचे त्यांच्या निदर्शनास आले. या पर्समध्ये त्यांचे हिरेजडित दागिने आणि एक महागडं घड्याळ आणि इतर मौल्यवान वस्तू होत्या. दरम्यान, गर्दीचा फायदा घेत चोर घटनास्थळावरून फरार झाले.
या चोरीच्या घटनेची माहिती मिळताच घनश्यामपूर पोलीस ठाण्यात पोलिसांनी गुन्हा नोंदवून घेतला आहे. तसेच तपासाला सुरुवात केली आहे. घटनास्थळावरील सीसीटीव्हीचं चित्रिकरण तपासण्याबरोबरच आजूबाजूच्या लोकांकडे चौकशी केली जात आहे. चोरांनी घटनास्थळावरील गर्दीचा फायदा घेऊन मौल्यवान वस्तूंवर डल्ला मारल्याचे सांगण्यात येत आहे. चोरीस गेलेल्या वस्तूंमध्ये महागडे दागिने आणि महागड्या घड्याळांचा समावेश आहे.
या घटनेमुळे बिहारमधील कायदा आणि सुव्यवस्थेच्या दुरावस्थेचे पितळ उघडे पडले आहेत. तसेच एका आमदाराच्या कुटुंबीयांचं सामानही सुरक्षित राहत नसेल तर सर्वसामान्यांची काय परिस्थिती असेल, असा सवाल उपस्थित केला जात आहे. दरम्यान, पोलिसांनी या प्रकरणी तपास सुरू केला असून, लवकरच आरोपींना अटक केली जाईल, असे पोलिसांनि सांगितले आहे.
Web Summary : Thieves stole jewelry and a watch from singer Maithili Thakur's mother's purse during a Bihar event. Police are investigating the theft, highlighting Bihar's law and order concerns and public safety issues.
Web Summary : बिहार में एक कार्यक्रम के दौरान गायिका मैथिली ठाकुर की माँ के पर्स से चोरों ने गहने और घड़ी चुरा ली। पुलिस चोरी की जांच कर रही है, जिससे बिहार की कानून व्यवस्था पर सवाल उठ रहे हैं।