येथील ग्रामपंचायतीच्या कार्यालयात निवडणूक निर्णय अधिकारी रंगनाथ गायकवाड यांच्या अध्यक्षतेखाली व ग्रामसेवक जयश्री हासे यांच्या उपस्थितीत निवड प्रक्रिया राबविण्यात आली. जानेवारी महिन्यात झालेल्या पंचवार्षिक निवडणुकीत सर्व ११ सदस्यांची बिनविरोध निवड झाली होती. अर्ज दाखल करण्याच्या निर्धारित वेळेत सरपंच, उपसरपंचपदासाठी प्रत्येकी एक अर्ज आल्याने सहाणे व माळी यांची बिनविरोध निवड झाल्याची घोषणा निवडणूक निर्णय अधिकारी गायकवाड यांनी जाहीर केले.
यावेळी समर्थकांनी गुलालाची उधळण करीत आनंदोत्सव साजरा केला. बैठकीस एकनाथ सहाणे, अर्जुन दराडे, भीमराव दराडे, बेबी सहाणे, चंद्रभागा माळी, आदींसह ग्रामस्थ व समर्थक उपस्थित होते. ग्रामपंचायतीचे चार सदस्य बैठकीला गैरहजर होते. याप्रसंगी नवनिर्वाचित सरपंच सहाणे व उपसरपंच माळी यांचा ग्रामस्थांच्या वतीने सत्कार करण्यात आला.
===Photopath===
070321\07nsk_32_07032021_13.jpg
===Caption===
नळवाडीच्या सरपंचपदी सारिका सहाणे व उपसरपंचपदी सुरेश माळी यांची बिनविरोध निवड झाल्याबद्दल सत्कार करण्यात आला. त्याप्रसंगी नवनिर्वाचित ग्रामपंचायत सदस्य व ग्रामस्थ.