संजय चव्हाण यांचे जात प्रमाणपत्र रद्द

संजय चव्हाण यांचे जात प्रमाणपत्र रद्द

सटाणा : जात प्रमाणपत्र प्रकरणी विद्यमान आमदार उमाजी बोरसे व माजी आमदार संजय चव्हाण यांच्यात गेल्या सात वर्षांपासून सुरू असलेली न्यायालयीन लढाईअखेर आमदार बोरसे यांनी जिंकली. मुंबई उच्च न्यायालयाने चव्हाण यांचे जात प्रमाणपत्र बोगस ठरवत ते रद्द केले असल्याचा निर्णय दिला आहे. या निर्णयामुळे राष्ट्रवादीच्या गोटात कमालीची अस्वस्थता पसरली आहे बोगस कागद पत्रांच्या आधारे माजी आमदार चव्हाण यांनी जात प्रमाण पत्र तयार केल्या प्रकरणी गेल्या सात वर्षांपूर्वी विद्यमान आमदार बोरसे यांनी मुंबई उच्च न्यायालयात आव्हान दिले होते . गेल्या महिन्यात उच्च न्यायालयात झालेल्या सुनावणीदरम्यान जात प्रमाण पत्र पडताळणी समितीने अवैध ठरवलेल्या निर्णयाला चव्हाण यांनी स्थगती अर्ज केला होता . मात्र न्यायालयाने तो अर्ज फेटाळून लावला होता. दरम्यान, गेल्या आठवड्यात याचिकेवर सुनावणी होऊन जात प्रमाण पत्र तयार करण्यासाठी बोगस कागद पत्र सादर केल्याचे शाबित झाल्यामुळे चव्हाण यांचे जात प्रमाणपत्र रद्द केले असल्याचा निर्णय मुंबई उच्च न्यायालयाचे न्यायमूर्ती ए. एस. ओक, गिरीश कुलकर्णी यांनी दिला. या निर्णयामुळे चव्हाण यांची पंचायित झाली असून, राष्ट्रवादीला ऐनवेळी उमेदवाराची शोधाशोध करावी लागणार आहे. खऱ्या आदिवासीवर अन्याय केला म्हणूनच या विरोधात आपण न्यायालयाकडे दाद मागितली होती, असे चव्हाण यांनी सांगितले. (वार्ताहर)