खड्डे पडल्यामुळे रस्त्याची चाळण

खेडलेझुंगे: नाशिक औरंगाबाद महामार्गावर बोकडदरे येथील म्हसोबा महाराज मंदिर ते धारणगांव खडक फाट्यापर्यंतच्या रस्त्यावर खड्डे पडले आहेत. रस्त्याची पुर्ती चाळण झालेली आहे. त्यामुळे वाहनांचे मोठ्याप्रमाणावर नुकसान होत असल्याने वाहनचालकांमध्ये असंतोष पसराला आहे.

ठळक मुद्दे नाशिक-औरंगाबाद हायवेला पडलेल्या खड्यांमुळे वाहनचालक त्रस्त

खेडलेझुंगे: नाशिक औरंगाबाद महामार्गावर बोकडदरे येथील म्हसोबा महाराज मंदिर ते धारणगांव खडक फाट्यापर्यंतच्या रस्त्यावर खड्डे पडले आहेत. रस्त्याची पुर्ती चाळण झालेली आहे. त्यामुळे वाहनांचे मोठ्याप्रमाणावर नुकसान होत असल्याने वाहनचालकांमध्ये असंतोष पसराला आहे. या परिसरामध्ये अपघाती वळण व उंचवटा असल्याने रस्त्यावरील खड्ड्यांचा अंदाज येत नसल्याने चालकांची तारांबळ उडते. यामुळे मोठे अपघात होण्याची शक्यता नाकारता येत नाही. सततच्या पावसामुळे खड्यांमध्ये मोठ्याप्रमाणावर पाणी साचले आहे. त्यामुळे खड्यांचा आंदाज येत नाही. त्यामुळे बऱ्याच वाहन चालकांना वाहनांचे नुकसान सहन करावे लागले आहे.

अपघाती वळण आणि खड्डे यामुळे प्रवाशांचे मोठे नुकसान होत आहे. बोकडदरे येथील टेकड्यावर असलेली घनदाट झाडी, अपघाती वळणे आणि त्यातच या परिसरातील रस्त्याची खड्डे पडुन रस्त्याची झालेली चाळण यामुळे प्रवाशी मेटाकुटीला आलेली आहे. वाहनांना वेग असल्याने खड्यातुन वाहने हेलकावे घेतात. त्यामुळे अपघात होण्याची शक्यता नाकारता येत नसल्याने सदरील रस्त्यावरील खड्डे लवकरात लवकर बुजविणे गरजेचे आहे. सार्वजनिक बांधकाम विभागाने याची तात्काळ दखल घेवुन रस्त्यांवरील खड्डे बुजवावे असे शेतकरी, प्रवाशी व वाहन चालकांकडुन मागणी होत आहे.

नैताळे, बोकडदरे, निफाड, पिंपळस रामाचे या गावांमधुन जाणार्या नाशिक-औरंगाबद रस्त्याला झाडे लावण्यायेवढे खड्डे पडलेले आहे. सर्व रस्त्याची चाळण झाल्याने शेतकरी, प्रवाशी चालक यांना गाड्या चालविणे अत्यंत अवघड झाले आहे. ुसदरच्या रस्त्यांची तात्काळ दुरु स्ती होणे गरजेचे आहे. तरी सर्वजनिक बांधकाम विभागाने तात्काळ दुरु स्ती कामे सुरु करण्यात यावी अशी मागणी होत आहे.
े. ( 19 खेडलेझुंगेरोड)