शहरं
Join us  
Trending Stories
1
IND vs SA : अनुभवी फलंदाजांनी पेश केला खास नजराणा; किंग कोहली अन् रोहितसह KL राहुलनं दाखवला क्लास!
2
०१ डिसेंबरला रेल्वे नियम बदलणार! तत्काळ तिकिटासाठी लागणार OTP; मुंबईतील ‘या’ ट्रेनपासून सुरू
3
“जिकडे बॉम्बे असेल तिकडे मुंबई करू, शाळेची नावेही बदलू”; उद्धव ठाकरेंनी व्यक्त केला निर्धार
4
VIDEO : "उपकार विसरू नका! नाहीतर…" बेताल वक्तव्य करणाऱ्या SA कोचला गावसकरांनी दिली ताकीद
5
छेड काढल्याचा आरोप, वैद्यकीय अधिकाऱ्याला नातेवाईकांची मारहाण
6
२४ तासांत ७ स्फोटांनी हादरले बलुचिस्तान! रेल्वे ट्रॅक बॉम्बने उडवला; पोलिस ठाण्यावर ग्रेनेड हल्ला
7
आईच्या कुशीत झोपलेल्या चिमुकल्याला बिबट्या घेऊन गेला, गावात भीतीचे वातावरण...
8
जगाला धक्का! नामिबियात 'एडोल्फ हिटलर' सलग पाचव्यांदा विजयी; वाद वाढताच नेत्याने घेतला मोठा निर्णय...
9
'रनमशिन' कोहलीचा मोठा पराक्रम! क्रिकेटच्या देवाला मागे टाकत बनला वनडेतील शतकांचा 'बादशहा'
10
कॅनडाच्या किनाऱ्यावर 'UFO'? कार्गो जहाजाच्या कॅमेऱ्यात घटना कैद, पाहा VIDEO...
11
गीता जयंती २०२५: सगळी भगवद्गीता नको, सुखी जीवनासाठी ५ उपदेश कायम लक्षात ठेवा; वाचा, गीतासार
12
Travel : 'या' देशात भारतीय रुपया आहे किंग! १०००० घेऊन जाल तर होतील १.६ लाख; फूड, शॉपिंग सगळ्यासाठी बेस्ट
13
IND vs SA : 'वेड' विराट भेटीचं! कोहलीच्या विक्रमी सेंच्युरीनंतर थेट मैदानात शिरला चाहता, अन्...
14
बाजारात 'विदेशी' पैशांची दमदार 'एन्ट्री'! कोणत्या क्षेत्रात सर्वाधिक खरेदी? गुंतवणुकीचा ट्रेंड बदलला
15
तुमच्याकडील स्मार्टफोन बनावट तर नाही ना? हे सरकारी पोर्टल दाखवणार फोनची संपूर्ण कुंडली   
16
निवडणूक आयोगाचा मोठा निर्णय! राज्यातील काही ठिकाणच्या निवडणुका पुढे ढकलल्या; कारण काय?
17
कोविडनंतर बदलली ग्राहकांची निवड! भारतात 'वेल-बीइंग होम्स'चा नवीन ट्रेंड; काय आहे वैशिष्ट्ये?
18
हिटमॅन रोहित शर्मा वनडेचा 'सिक्सर किंग'! पाकिस्तानच्या शाहिद आफ्रिदीचा वर्ल्ड रेकॉर्ड मोडला
19
गीता जयंती २०२५: कालातीत अमृत, उपनिषदांचा मान; शाश्वत मूल्यांचा कल्पतरू श्रीमद्‌ भगवद्‌गीता!
20
आला रे आला भाऊ आला! बिग बॉसच्या मंचावर सलमानसोबत रितेश देशमुखची 'लय भारी' एन्ट्री
Daily Top 2Weekly Top 5

नाशिकमध्ये आणखी एक हत्या! आरोपीने हत्या केल्यानंतर स्वतःच नेले जिल्हा रुग्णालयात, स्वतःहून गेला पोलीस ठाण्यात

By ऑनलाइन लोकमत | Updated: May 3, 2025 14:56 IST

Nashik Crime: काही दिवसांपूर्वी एका गुन्ह्यात नाव आलेल्या एका अल्पवयीन मुलाची हत्या नाशिकमध्ये झाली. या घटनेची चर्चा थांबत नाही, तोच नाशिक रोड परिसरात आणखी एका गुंडाची हत्या करण्यात आली आहे. हत्या केल्यानंतर आरोपीने गोदावरीत जाऊन अंघोळ केली आणि पोलीस ठाण्यात हजर झाला.

Nashik Crime News: नाशिक शहरातून तडीपार करण्यात आलेले दोघे सराईत गुंड पैसे मागण्याच्या कारणावरून भिडले. जेलरोड, बालाजीनगर येथे गुरुवारी (१ मे) हितेश डोईफोडे रात्री टॉमीने केलेल्या हल्ल्यात हितेश सुभाष डोईफोडे हा जागीच ठार झाला, तर त्याचा मित्र रोहित बंग हा जखमी झाला. अवैध दारूविक्रीच्या व्यवसातील पैसे वारंवार मागण्यावरून दोघांमध्ये वादाचा भडका उडाल्याचे बोलले जात आहे. विशेष म्हणजे मारेकरी नीलेश यानेच जखमी हितेशला जिल्हा रुग्णालयात दाखल केले. रुग्णालयात सोडल्यानंतर नीलेशने गोदावरीवर जाऊन अंघोळ करत कपडे धुतले, त्यानंतर नवीन कपडे घालून पोलिस ठाण्यात हजर झाला.

'लोकमत'चं WhatsApp चॅनल फॉलो करा!

जाधव बंधूंच्या दुहेरी हत्याकांडानंतर नाशिकरोड परिसर या घटनेने पुन्हा हादरला. जेलरोड येथील सानेगुरुजीनगर झोपडपट्टीतील हितेश सुभाष डोईफोडे (२१) याला दि. २५ मे २०२४ रोजी दोन वर्षासाठी व नीलेश बाजीराव पेखले (३९ रा. बालाजीनगर) याला दि. १९ नोव्हेंबर २०२४ ला एक वर्षासाठी नाशिक शहर जिल्ह्यातून पोलिस प्रशासनाने हद्दपार केले आहे. 

वाचा >>शिक्षिकेचं १३ वर्षाच्या विद्यार्थ्यासोबतच जुळलं सूत, पळूनही गेली; मानसी म्हणाली, 'माझ्या गर्भात त्याचं बाळ'

नीलेश पेखळे याचा बालाजीनगर परिसरात अवैध दारू विक्रीचा व्यवसाय असल्याची चर्चा असून, हितेश व नीलेश हे एकमेकांचे मित्रदेखील होते. हितेश हा नीलेशकडे वारंवार पैशांची मागणीदेखील करत होता.

हितेश डोईफोडे हा तडीपार असताना गुरुवारी (दि.१) सायंकाळी ७वाजेच्या सुमारास बिटको पॉइंटजवळ त्याच्या घराशेजारी राहणारा रिक्षाचालक रोहित नंदकिशोर बंग याला भेटला. मुलीचा वाढदिवस जवळ आला असून, सर्व मित्रांना निमंत्रण द्यायचे आहे, असे सांगून हितेश रोहितला सोबत घेऊन रात्री साडेआठ वाजेच्या सुमारास देवळालीगाव राजवाडा येथील बहिणीच्या घरी गेला. 

तेथे रोहितने रिक्षा लावली. त्यानंतर हितेशने तेथेच ओळखीच्या मित्राची लाल रंगाची दुचाकी घेऊन रोहितला सोबत घेत एकलहरा गाठले. मात्र हितेश हा जेलरोड दसक येथील महाराष्ट्र बँकेकडून पुन्हा वळून बालाजीनगर मोरे मळा येथे राहणारा नीलेश पेखले याच्या घरासमोर रात्री सव्वादहा वाजेच्या सुमारास येऊन थांबला. यावेळी नीलेश याच्यासोबत आणखीन दोनजण होते. हितेश व नीलेश यांच्यात बाचाबाची झाली.

जखमी असताना पळ; पण पुन्हा गाठले

नीलेश व त्याच्यासोबत असलेल्या इतर दोघांनी रोहित बंग यालादेखील मारहाण करण्यास सुरुवात केली. जखमी हितेश हा सायखेडा रोडच्या दिशेने पळू लागताच नीलेश व त्याच्या मित्रांनी पुन्हा त्याचा पाठलाग करत लोखंडी रॉड, हत्यारांनी हल्ला चढवून निघृण खून केला.

दोघांमध्ये हमरीतुमरी होत नीलेश पेखळे याने लोखंडी टॉमीने हितेशच्या कपाळावर जोरदार प्रहार केल्याने एका दणक्यातच हितेश हा जमिनीवर कोसळला. कपाळाचा अर्धा भाग त्या फटक्यात उघडा होऊन त्या ठिकाणी सर्वत्र रक्त सांडले.

जखमी रोहित गवतात लपला म्हणून बचावला

जखमी रोहित बंग हा भैरवनाथनगरच्या दिशेने पळत जाऊन रेल्वेरुळाच्या बाजूला गवतामध्ये लपून बसला. यावेळी तेथून जाणाऱ्या एका इसमांकडून रोहितने मोबाइल घेऊन भाऊ राहुल यास घडलेला प्रकार सांगत, घ्यायला बोलाविले व बिटको रुग्णालयात उपचारासाठी दाखल केले.

रक्ताच्या थारोळ्यात...

घराजवळच नीलेश व हितेश यांच्यात बाचाबाची होऊन वादाचा भडका उडाल्यानंतर टॉमीच्या हल्ल्यामध्ये हितेश हा रक्ताच्या थारोळ्यात निपचित पडलेला होता.

निपचित पडलेल्या हितेशला नेले दवाखान्यात

हल्ला करणाऱ्या नीलेशने निपचित पडलेल्या हितेशला आपल्या चारचाकी गाडीतून जिल्हा रुग्णालयात उपचारासाठी दाखल केले. तोपर्यत घटनेची माहिती नाशिकरोड पोलिसांना मिळाल्यानंतर त्यांनी घटनास्थळी धाव घेतली.

नीलेश व हितेश यांच्यात वाद झाल्याची माहिती झाल्यानंतर पोलिसांनी तत्काळ तपास चक्रे फिरविली. मात्र रुग्णालयात हितेशला सोडल्यानंतर नीलेश हा स्वतःहून नाशिकरोड पोलिस ठाण्यात हजर झाला. याप्रकरणी नाशिकरोड पोलिस ठाण्यात खुनाचा गुन्हा दाखल करण्यात आला आहे.

आरोपीला गुरुवारपर्यंत पोलिस कोठडी

संशयित नीलेश पेखळे याला शुक्रवारी (दि.२) दुपारी नाशिकरोड न्यायालयासमोर उभे केले असता गुरुवारपर्यंत (८ मे) पोलिस कोठडी देण्यात आली आहे. मयत हितेश व संशयित नीलेश हे दोघे विवाहित असून, त्यांना मुले आहेत.

रोहित बंग याच्या फिर्यादीवरून नीलेशसोबत आणखी कोण होते? याचा पोलिस शोध घेत आहे. सहायक पोलिस आयुक्त डॉ. सचिन बारी, नाशिकरोडचे वरिष्ठ पोलिस निरीक्षक अशोक गिरी यांच्या मार्गदर्शनाखाली दुय्यम पोलिस निरीक्षक बडेसाब नाईकवाडे पुढील तपास करत आहे.

टॅग्स :NashikनाशिकCrime Newsगुन्हेगारीPoliceपोलिसDeathमृत्यू