गेल्या काही दिवसांपासून नाशिक शहर आणि जिल्ह्यात हत्याचे सत्र सुरू आहे. यात आणखी एका खुणाच्या घटनेची भर पडली. सोमवारी पहाटे (७ ऑक्टोबर) ४५ वर्षीय महिलेची हत्या करण्यात आली. मुलानेच महिलेची धारदार शस्त्राने हत्या केली.
'लोकमत'चं WhatsApp चॅनल फॉलो करा!
मंगला घोलप असे हत्या करण्यात आलेल्या महिलेचे नाव आहे. मयत महिला विस्तार अधिकारी म्हणून कार्यरत होत्या आणि त्यांनी सेवानिवृत्ती घेतली होती.
मंगला घोलप यांची त्यांचा मुलगा स्वप्निल घोलप यानेच हत्या केली. स्वप्निलने मंगला घोलप यांच्यावर धारदार शस्त्राने वार केले. त्यांनी रक्ताच्या थारोळ्यातच जीव सोडला.
माहिती मिळताच पोलिसांनी घटनास्थळी धाव घेतली. पंचनामा करून मृतदेह ताब्यात घेतला आणि शवविच्छेदनासाठी पाठवला. या प्रकरणी पोलिसांनी गुन्हा दाखल करून स्वप्निल घोलप याला ताब्यात घेतले.
स्वप्निलने त्याच्या आईची हत्या का केली, याबद्दल कोणतीही माहिती समोर आलेली नाही. पोलीस स्वप्निलची चौकशी करत आहेत. दरम्यान, मुलानेच आईची हत्या केल्याने परिसरात खळबळ उडाली आहे.
गेल्या काही वर्षात नाशिकमधील गुन्हेगारी वाढली असून, मागील नऊ महिन्यात नाशिकमध्ये झालेली ४५ वी हत्या आहे. त्यामुळे पोलिसांसमोर गुन्हेगारी रोखण्याचे मोठे आव्हान निर्माण झाले आहे.
Web Summary : In Nashik, a retired female official, Mangala Gholap, was murdered by her son, Swapnil. He attacked her with a sharp weapon, leaving her in a pool of blood. Police have arrested Swapnil and are investigating the motive. The incident has caused shock in the area amid rising crime.
Web Summary : नासिक में, एक सेवानिवृत्त महिला अधिकारी, मंगला घोलप, की हत्या उसके बेटे स्वप्निल ने की। उसने धारदार हथियार से हमला किया, जिससे वह खून से लथपथ हो गई। पुलिस ने स्वप्निल को गिरफ्तार कर लिया है और मकसद की जांच कर रही है। बढ़ते अपराध के बीच इस घटना से इलाके में सनसनी फैल गई है।