नंदुरबार येथे जिल्हा केमिस्ट व ड्रगिस्ट असोशिएशनची स्टॉकिस्ट अपार्टमेंट नियुक्त करण्यासाठी होलसेल औषधी विक्रेत्यांची बैठक घेण्यात आली. यावेळी संघटनेचे जिल्हाध्यक्ष राजेंद्र डागा, स्टॉकिस्ट अपार्टमेंटचे चेअरमन ललित छाजेड, उपस्थित होते. राजेंद्र डागा म्हणाले, होलसेल औषधी विक्रेत्यांना कोणतीही अडचण आल्यास संघटनेशी संपर्क साधावा. आपसातील मतभेद विसरून जिल्ह्यातील औषधी विक्रेत्यांनी एकत्र येण्याचे आवाहन त्यांनी केले. यावेळी ललित छाजेड यानी सांगितले, जो नवीन औषधी विक्रेता दुकान सुरू करेल, त्यास संघटनेची अधिकृत सदस्यता स्वीकारावी लागेल. होलसेल विक्रेत्यानेही संघटनेच्या सदस्यत्वाशिवाय माल देऊ नये. यावेळी विक्रेत्यांच्या विविध अडचणी, प्रश्न, समस्या यावर चर्चा करण्यात आली. सदस्यांनीही विविध प्रश्न उपस्थित केले. डागा व छाजेड यांनी त्यांचे समाधान केले.
बैठकीला महेश पवार, रवी अग्रवाल, नितीन शहा, संजय जैन, संघटनेचे उपाध्यक्ष नीलेश शर्मा, विकास पाटील, दिनेश जैन, कृष्णा पटेल, राजू अग्रवाल आदी उपस्थित होते.