मोटारसायकल चोराचा रात्रभर धुमाकूळ

ग्रामस्थांनी दिले पोलिसांच्या ताब्यात : न्याहलीतून पेट्रोलही चोरले

नंदुरबार : शहराबाहेरच्या एका बारमधून दुचाकी चोरून तालुक्यातील न्याहली परिसरात एका चोरटय़ाने रात्री उशिरार्पयत धिंगाणा घातला होता़ सकाळी चोरटय़ाचा ग्रामस्थांनी शोध घेत, त्याला पोलिसांच्या ताब्यात दिला़
न्याहली गावात मंगळवारी रात्री 11 वाजेच्या सुमारास एक युवक मद्यधुंद अवस्थेत दुचाकीवर फिरत असल्याचे काही ग्रामस्थांना दिसून आल़े त्याला ग्रामस्थांनी हटकले असता हिंदी भाषिक असल्याची बतावणी करत ग्रामस्थांची दिशाभूल करू लागली़ काही काळानंतर नंदुरबारकडे गेलेल्या त्या युवकाने पुन्हा गावाकडे मोर्चा वळवून गावातील काही दुचाकींचे पेट्रोल चोरल़े एका गाडीतून पेट्रोल काढत असताना तो युवकांना दिसला़ त्याचा पाठलाग केल्यावर त्याने तेथून पळ काढला़ सकाळी न्याहली येथील काही जण घोटाणे गावाकडे जात असताना एकजण शेतात दिसला. जवळ कोंबडी खाल्ल्याचे दिसून आल़े ग्रामस्थांनी रनाळे औटपोस्टला माहिती दिल्यानंतर त्याला ताब्यात घेण्यात आल़े चौकशी केल्यावर त्याच्याकडे असलेली मोटारसायकल ही चोरीची असल्याची कबुली त्याने दिली़ संबंधित चोरीची घटनाही शहर पोलीस ठाण्याच्या आवारात झाल्याने त्याला शहर पोलिसांच्या ताब्यात देण्यात आल़े