पलासखोब्रा व बुंदेमालपाडा येथे बेमुदत धरणे आंदोलन

तालुक्यातील व सातपुड्याच्या डोंगराळ भागातील वेलखेडी, सांबर व पलासखोब्रा येथील पंतप्रधान ग्रामसडक योजनेअंतर्गत रस्त्यांच्या घाट सेक्शनच्या चढावावर घाट चढाव कमी न केल्याने व आवश्यक वळणावर कटिंगदेखील व्यवस्थित करण्यात आले नाहीण गाडीला वळण लागत नसल्याने, आवश्यक ठिकाणी संरक्षण भिंतीसह संरक्षण कठडे बांधले नसल्याने या रस्त्याच्या कामामुळे घाट चढाव व चारचाकीला वळण लागत नसल्याने एस.टी.बस देखील येऊ शकणार नसल्याने या परिसरातील पाड्यांवरील नागरिकांना गैरसोयीचे होत आहे.

या रस्त्याच्या कामासाठी तसेच पलासखोब्रा गावाच्या मांडवीचापाडा, मोजरापाडा, पिपलाआडीपाडा येथे विजेची सोय नसल्याने हे पाडे अंधारात असल्याने व डेब्रामाळ ग्रामपंचायत अंतर्गत असलेल्या कंजाला, डेब्रामाळ, सांबर, वेलखेडी येथे सीमा मोजणीचे काम अपूर्णावस्थेत, गावठाण स्मशानभूमीचे मोजणीचे काम पूर्ववत मोजणी करून मिळावे या मागण्यासाठी संबंधित विभागाकडून दखल घेतली जात नसल्याने अखेर २८ जानेवारी रोजी सकाळी नऊ वाजल्यापासून वाघदेवाच्या शेजारी बुदेमालपाड्यात बेमुदत धरणे आंदोलन व चूलबंद आंदोलन करण्याचे नियोजन पलासखोब्रा येथे ग्रामसभेत करण्याचे नियोजन होऊन या संदर्भात संंबंधित विभागाच्या अधिकाऱ्यांना निवेदन देेण्यात आले आहे.

तालुक्यातील वेलखेडी, कौलीदापाडा, सांबर, सारबारीपाडा, पाटीलपाडा, बुंदेसांबरपाडा, बारीवेसपाडा, पलासखोब्रा, डिगड्यापाडा, साबाचापडा, पाटीलपाडा, बारीपाडा, आमलीदोपाडा, पिपलाडीपाडा अशा या रस्त्याचे २०१८-१९ मध्ये पंतप्रधान ग्रामसडक योजनेअंतर्गत काम सुरू असून, या घाट सेक्शनचा चढाव रस्त्यावरदेखील कमी करण्यात येत नसून, वळणाचा भागदेखील व्यवस्थित कटिंग केला जात नसल्याने तसेच आवश्यक ठिकाणी संरक्षण भिंतीदेखील बांधल्या नसल्याने या रस्त्यावर एस.टी. महामंडळाची बसेसदेखील येऊ शकणार नाहीत. वेलखेडी, साबंर, पलासखोब्रा या रस्त्यावर दिगडबारी, साबाचापडा, मोहाडीखेत, फाफालपाडा, बारीपाडा, आवलीपाडा या भागात वळणाचा भागदेखील कटिंग केला नसल्याने साध्या वाहनादेखील वळविता येत नाही. तसेच घाटाचा भाग असतानादेखील चढाव कमी करण्यात आले नाही. आवश्यक ठिकाणी संरक्षण भिंत व संरक्षण कठडे नसल्याने धोकेदायक असल्याने या रस्त्याच्या कामावर संरक्षण भिंतीचे काम व्यवस्थित होत नाही. तसेच पलासखोब्रा गावाच्या मांडवीचापडा, मोजरापाडा, पिपलाआडीपाडा येथे विजेची सोय नसल्याने हे पाडे अद्यापपर्यंत अंधारात असल्याने व डेब्रामाळ ग्रामपंचायत अंतर्गत असलेल्या कंजाला, डेब्रामाळ, सांबर, वेलखेडी येथे सीमा मोजणीचे काम अपूर्णावस्थेत, गावठाण स्मशानभूमीचे मोजणीचे काम पूर्ववत मोजणी करून मिळावे या मागण्यांसंबंधीत विभागाकडून पूर्ण करण्यात येत नसल्याने अखेर बेमुदत धरणे आंदोलन व चूलबंद आंदोलन करण्याचे नियोजन पलासखोब्रा येथे ग्रामसभेत करण्यात आले आहे.

यासंदर्भात रामसिंग वळवी कंजाला, भिमसिंग राज्या वळवी वेलखेडी, दिलीप कोट्या वळवी पलासखोब्रा, बटेसिंग वळवी, राजेंद जहागींर वळवी, रमेश मोयला वळवी, सामा खात्र्या वळवी, सायसिंग रणज्या वळवी, दिवल्या सोमता वळवी, बिजला नायका वळवी यांनी नायब तहसीलदार अजित शिंत्रे यांना निवेदन दिले आहे.

या सातपुड्याच्या अतिदुर्गम भागातील वेलखेडी, पलासखोब्रा, डेब्रामाळ, कंजाला, डनेल, सुरवाणीपाडा, भगदरीचा वणवाईपाडा, साबंर याठिकाणी चांगले रस्ते नसल्याने वाहने जाण्यास अडचणी येत आहेत. तसेच आरोग्य सुविधादेखील देता येत नाही. तसेच या भागात बसेस आल्यास या भागातील विद्यार्थ्यी शिक्षणासाठी मोलगी येथे जाऊ शकतील व त्यांचे शैक्षणिक नुकसान होणार नाही.

- रायसिंग दुधल्या वळवी, कंजाला.