आदीवासींमध्ये होळी पूजन होत होऊन होळी पेटत नाही, तोपर्यंत पाळणी (नवस) धारकांच्या मनात होळी उत्सवविषयी श्रद्धाभाव ठेवून वर्षभर वावरत असतो. आपल्या हातून कोणत्याही प्रकारचे वाईट कृत्य होणार नाही आणि कुणाचेही मन दुखवणार नाही, याची काळजी घेत असतात. पाळणीला (नवस) प्रारंभ करतात तेव्हापासून पाळणी (नवस) पूर्ण होईपर्यंत ८ ते १० दिवस पायात चप्पल न घालणे, खाटेवर न बसणे, दिवसातून दोन वेळा नदीवर जाऊन आंघोळ करणे अशा अनेक गोष्टीचे काटेकोरपणे पालन पाळणी धारक करतात. श्रद्धा भाव ठेवून केलेला नवस बुधया बावा ढाणका ढोखो रूपात वेषभूषा परिधान करून निसर्गाच्या सानिध्यात राहून निसर्गाशी एकरूप होत पौर्णिमेचा चंद्राच्या प्रकाशात रात्रभर वातावरणात घुंगराचा आवाजात आणि डफाचा तालावर नाचताना कोरोना प्रतिबंधक नियमांचे पालन करत यंदाचा होलिकोत्सव साजरा केला.
दरवर्षी काठीच्या होलिका उत्सवात सहभागी होण्यासाठी हजारो भाविक दूरदुरून येत होते. मात्र यावर्षी कोरोना विषाणूचा वाढता प्रादुर्भाव लक्षात घेऊन आदिवासींनी आपल्या भागात गावपाड्यात शांततामय वातावरणात साजरी केली. दरवर्षीचा तुलनेत यावर्षी उत्सवात भाविकांचे प्रमाण तुरळक होते. काठी संस्थानच्या कुटुंब तसेच ग्रामस्थांमध्ये होळी उत्सवाची उत्सुकता दिसून येत होती. कामानिमित्त स्थंलातर झालेल्या व होळी उत्सवाचे विक्रेत्यांना गावाकडे न येण्याचे आवाहन केल्याने गावपाड्याकडे कोणताही स्थंलातरित नागरिक, व्यावसायिक फिरकले नाही.
कोरोना महामारीचे संकट घालवण्यासाठी सर्व नागरिकांनी कोरोना नियमांचे पालन करण्याचे आवाहन वारंवार गेल्या १५ दिवसांपासून मोलगी येथील सहायक निरीक्षक धनराज निळे यांनी केले असून. यांच्यासह महेश क्षीरसागर, जिल्हा परिषद सदस्य सी. के. पाडवी. पोलीसपाटील रणजित पाडवी, सरपंच स्नेहा जितेंद्र पाडवी,उपसरपंच आणि ग्रामपंचायत सदस्य, सागर पाडवी, राजेन्द्र पाडवी, शेरसिंग पाडवी, करणसिंग पाडवी, गणपत पाडवी यांनी गावात बैठका घेऊन ग्रामस्थांशी विचार विनिमय करून सर्वांच्या मते साध्या पध्दतीने व विधीवत पूजा करून शांततामय वातावरणात यंदाचा होलिकोत्सव साजरा केला. अक्कलकुवा, धडगाव तालुक्यातील परिसरातील नागरिकांनी यंदा कोरोना प्रतिबधंक नियमांचे पालन करून होलिकोत्सव साजरा करण्यात आला. या होळी उत्सव गेल्या वर्षाप्रमाणे साजरा करता न आल्याने भाविकांमध्ये नाराजी व्यक्त होत होती.