म्हाडाने लॉटरीतील १२२१ घरांच्या किंमती ७.५ टक्क्यांनी कमी केल्या

प्रकल्पातील सदनिकांना प्रती सदनिका १ वाहन तळ (पार्कीग) विना मुल्य उपलब्ध करुन देण्यात येणार आहे.

मुंबई : म्हाडाच्या लॉटरीमधील २६४० सदनिकांपैकी विक्रोळी (पूर्व) येथील कन्नमवार नगर प्रकल्पातील १२२१ सदनिकांच्या किंमतीत ७.५ टक्क्यांनी कमी करण्यात आल्या आहेत.

संकेत क्रमांक ५३८, बिल्डींग नं. २  अ,ब पॉकेट- २, कन्नमवार नगर, विक्रोळी येथील ४८० सदनिकांची किमंत १,४५,५८,३०७ ते १, ४७, ९७, ९९२ व  संकेत क्रमांक – ५३९ बिल्डींग नं. ३ अ, ब, क पॉकेट क्र. २ कन्नमवार नगर, विक्रोळी येथील ७४१ सदनिकांची किमंत १,४५,७४,९४२ ते १,४८,१४,९०१ अशी आहे. या संकेत क्रमांकातील सदनिकांची विक्री किमंत प्रती सदनिका ७.५ टक्क्यांनी कमी करण्यात आल्या आहेत.

मुंबईतील विविध गृहनिर्माण प्रकल्पांमधील २६४० सदनिकांच्या विक्रीसाठी आयोजित संगणकीय सोडतीकरिता ऑनलाईन अर्ज नोंदणी व अर्ज स्वीकृती प्रक्रियेला ३० मार्च रोजी सुरुवात करण्यात आली होती. अधिकाधिक नागरिकांना सोडत प्रक्रीयेत सहभाग घेता यावा याकरिता मंडळातर्फे  १४ मे पर्यंत मुदत वाढ जाहीर करण्यात आली आहे.सुधारित किंमती पुढीलप्रमाणे...संकेत क्र.५३८, बिल्डींग नं. २  अ,ब पॉकेट- २, कन्नमवार नगर, विक्रोळी येथील ४८० सदनिकांची किमंत १,३४,६६,४३४ ते १,३६,८८ १४३ व संकेत क्रमांक ५३९ - बिल्डींग नं. ३ अ,ब,क पॉकेट क्र. २ कन्नमवार नगर, विक्रोळी येथील ७४१ सदनिकांची किमंत १,३४,८१ ८२१ ते १,३७,०३,७८३ अशी सुधारीत करण्यात येत आहे.प्रकल्पातील सदनिकांना प्रती सदनिका १ वाहन तळ (पार्कीग) विना मुल्य उपलब्ध करुन देण्यात येणार आहे.