जि.प.साठी चार तर पं.स. साठी तीन लाख खर्च मर्यादा

लोकमत न्यूज नेटवर्कनंदुरबार : जिल्हा परिषद निवडणुकीसाठी उमेदवाराची खर्च मर्यादा चार लाख तर गणासाठी तीन लाख रुपये ठेवण्यात आली आहे. अनामत रक्कम गटासाठी सर्वसाधारण प्रवर्गाला हजार रुपये तर आरक्षीत प्रवर्गाला ५०० रुपये. गणासाठी सर्वसाधारण प्रवर्गाला ७०० तर आरक्षीत प्रवर्गाला ३५० रुपये अनामत रक्कम ठेवण्यात आली आहे.जिल्हा परिषद निवडणुकीसाठी अर्ज दाखल करण्यास बुधवार, १८ पासून सुरुवात झाली आहे. ग्रामपंचायत निवडणुकीप्रमाणे आॅनलाईन अर्ज भरून त्याची प्रिंट निवडूणक निर्णय अधिकारी यांच्याकडे सादर करणे आवश्यक आहे.याबाबत निवडणूक विभागाने उमेदवारांना उमेदवारी अर्ज सादर करतांना विविध मार्गदर्शक सुचना जारी केल्या आहेत. त्यानुसार जिल्हा परिषद व पंचायत समितीसाठी उमेदवाराचे वय किमान २१ वर्ष पुर्ण असावे. उमेदवारांनी नामनिर्देशनपत्र आॅनलाईन सॉफ्टवेअर द्वारेच भरणे आवश्यक आहे. त्यासाठी ६६६.स्रंल्लूँं८ं३ी’ीू३्रङ्मल्ल.ेंँं१ं२ँ३१ं.ॅङ्म५.्रल्ल या वेबसाईटचा वापर करावा. एकजण गट किंवा गणातून जास्तीत जास्त चार अर्ज सादर करू शकतात. उमेदवारी अर्जावर एक सुचक आवश्यक असून जी व्यक्ती मतदार म्हणून अपात्र नसेल व ज्या निवडणूक विभागात, निर्वाचक गणात उमेदवारास नामनिर्देशन करावयाचे असेल अशा संबधित मतदार विभागाच्या निर्वाचक गणातील मतदार यादीत नाव समाविष्ट असणे आवश्यक आहे.उमेदवाराने मतदार यादीतील तपशील जसे गट, गण क्रमांक, यादी भाग क्रमांक, मतदार अनुक्रमांक काळजीपूर्वक भरावा. इतर गण, गटातील उमेदवारांनी मतदार यादीची छायांकित प्रत जोडावी. नामनिर्देशन पत्रावर आरक्षणाची वर्गवारी अचूक नमुद करावी. नामनिर्देशन पत्रातील सर्व रकान्यातील माहिती अचूक नमुद करावी, माहिती निरंक असल्यास तसे नमुद करावे. शपथ पत्रातील सर्व रकान्यातील माहिती भरावी. कोणताही रकाना कोरा राहता कामा नये. तीन चिन्हांचा पसंती क्रम देणे अनिवार्य आहे.नामनिर्देशन पत्रासोबत गुन्हेगारी पार्श्वभुमी व स्थावर/जंगम मालमत्तेबाबत शपथपत्र करावे. नोटरीकडून साक्षांकित करावे मात्र त्यासाठी बाँडपेपरची आवश्यकता नाही. आरक्षीत जागेवर निवडणुकीसाठी सक्षम अधिकारी यांचे जात प्रमाणपत्र वैधता प्रमाणपत्र अथवा जात प्रमाणपत्र पडताळणी समितीकडे अर्ज सादर केल्यास पुरावा जोडणे आवश्यक आहे. स्थानिक स्वराज्य संस्थेचे नादेय प्रमाणपत्र असावे. शौचालय वापराबाबतचे ग्रामसभेच्या ठरावासोबत पंचायतीची प्रमाणपत्र आवश्यक आहे. शेड्यूल बँकेमधील नवीन स्वतंत्र खात्याचे पासबूकची छायांकितप्रत जोडावे. निवडणूक ओळखपत्र, आधारकार्डची छायांकित प्रत जोडावी. मान्यताप्राप्त नोंदणी कृत राजकीय पक्षाचे उमेदवारांनी नमुना २ अ व नमुना २ ब जोडावा. अनामत रक्कम भरल्याबाबतची पावती जोडणे आवश्यक असल्याचेही निवडणूक आयोगाने स्पष्ट केले आहे.