शनिमांडळ येथे प्राथमिक आरोग्य केंद्रात रूग्णवाहिकासह लसीकरण सुरू करण्याची मागणी

निवेदनात जिल्ह्याभरात कोरोनाचा प्रादुर्भाव वाढत आहे. या पार्श्वभूमीवर शासनाकडून ४५ वयापुढील नागरिकांना कोरोना प्रतिबधंक लसीकरण गेल्या १ महिन्यापासून करण्यात येत आहे. तरी शनिमांडळ हे गाव जिल्ह्यातील जास्त लोकसंख्येचे असूनही गावातील जेष्ठ नागरिकांची संख्या आधिक असताना जिल्हा आरोग्य प्रशासनातर्फे शनिमांडळ येथे अद्याप लसीकरण सुरू करण्यात नसल्याने गावात कोरोन संक्रमणाचा धोका निर्माण झाला आहे. तसेच प्राथमिक आरोग्य केंद्राची रूग्णवाहिका वारंवार नादुरूस्त होत असल्याने गर्भवती महिलांना नादुरूस्त रूग्णवाहिकेतून नेताना त्रास सहन करावा लागत आहे. सदर समस्याची दखल घेऊन शनिमांडळ प्राथमिक आरोग्य केंद्राला नवीन रूग्णवाहिका देण्यात यावी. तसेच या रूग्णालयात कोरोना प्रतिबधंक लसीकरण सुरू करण्यात यावे, अशी मागणी आरोग्य अधिकारी नितीन बोडके यांच्याकडे करण्यात आली आहे. निवेदनावर जगदीश पाटील, सुनील गिरासे, राकेश राजपूत, कल्पेश सांवत यांच्या सह्या आहेत.