मोकाट गुरांमुळे वाहनांना अपघात
नंदुरबार: शहादा शहरातील मुख्य बाजारपेठ व भाजी मंडईच्या परिसरातील अनेक रस्त्यांवर मोकाट गुरे आणि वराहांची मोठी संख्या वाढते आहे. ही गुरे रस्त्यावरच ठाण मांडून बसत असल्यामुळे वाहतुकीला अडथळा निर्माण होत असतो. याशिवाय धावण्यामुळे किंवा आपसातील मारामारी यामुळे देखील नागरिकांना व वाहनांना देखील हानी पोहोचते आहे.
वाहन परवाना शिबिर सुरू करावेनंदुरबार : जिल्ह्यातील उप-प्रादेशिक परिवहन कार्यालयातर्फे तालुका स्तरावरील वाहन नियम व परवाना वाटप करण्यासाठी शिबिर आयोजित करण्यात येतात. एप्रिल महिन्यापासून शिबिर आयोजित करणे बंद असल्याने सातपुड्याच्या डोंगराळ अतिदुर्गम भागातील वाहनधारकांना परवान्यासाठी जिल्ह्याच्या उप-प्रादेशिक परिवहन कार्यालयात वारंवार चकरा माराव्या लागत आहेत.
अवजड वाहनांमुळे वाहतूकीचा खोळंबा
नंदुरबार: शहरातील हाटदरवाजा,सोनार खुंट,मंगळबाजार याभागात अरूंद रस्ते असल्याने रस्त्यावरून अवजड वाहने शहरात येत असल्याने रस्त्यावर वाहनांचा खोळंबा निर्माण होत असून त्यामुळे वाहनांच्या लांब पर्यत रांगा लागत असल्याने वाहनधारकांसह स्थांनिकांना त्रास सहन करावा लागत आहे. मार्गावर वाहतूक पोलीसांची नियुक्ती करावी,अशी मागणी होत आहे.