नंदुरबार : महात्मा बसवेश्वर महाराज यांच्या ८९० व्या जयंतीनिमित्त बालवीर चौकात प्रतिमा पूजन करुन अभिवादन करण्यात आले. यावेळी शिवा संघटनेचे जिल्हाध्यक्ष तसेच माविमचे जिल्हा समन्वयक अधिकारी संजय संगेकर यांच्या हस्ते महात्मा बसवेश्वर महाराज यांच्या प्रतिमेला पुष्पहार अर्पण करण्यात आला.
या कार्यक्रमाला सेवानिवृत्त शिक्षक जी. एस. गवळी, महादू हिरणवाळे, अशोक यादबोले, संभाजी हिरणवाळे, हेमंत नागापुरे, विशाल हिरणवाळे, दीपक गोडळकर, गोपाळ गवळी, प्रा. एकनाथ हिरणवाळे, नितीन पाटील, साहुल कुशवाह, अमेय संगेकर आदींसह गवळी समाजबांधव उपस्थित होते. यावेळी कर्नाटक राज्यातून आणलेल्या महात्मा बसवेश्वर यांचे जीवन चरित्र ग्रंथ आदी साहित्याचे घरीच अध्ययन करण्यात आले. महात्मा बसवेश्वर यांच्यासह छत्रपती संभाजी महाराज तसेच भगवान परशुराम जयंतीनिमित्त त्यांनाही अभिवादन करण्यात आले.
महाराष्ट्र बसव परिषद आणि वीरशैव लिंगायत गवळी समाज बहुउद्देशीय संस्था, शहीद शिरीषकुमार मित्रमंडळ, शिवा संघटना यांच्या संयुक्त विद्यमाने हा कार्यक्रम पार पडला.
यावेळी संजय संगेकर यांनी कोरोनाशी लढा देताना शासन नियमांचे पालन करत प्रत्येकाने लसीकरण करून घेण्याचे आवाहन केले. याशिवाय महात्मा बसवेश्वर यांच्या जीवनकार्याला उजाळा दिला. महात्मा बसवेश्वर यांच्यासह धर्मवीर संभाजी महाराज तसेच भगवान परशुराम जयंतीनिमित्त त्यांचे स्मरण करत अभिवादन करण्यात आले.