नांदेड : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त मुंबईकडे होणारी प्रचंड गर्दी विचारात घेऊन दक्षिण-मध्ये रेल्वेच्या नांदेड विभागाने प्रवाशांच्या सोयीसाठी आदिलाबाद ते दादर दरम्यान एक विशेष गाडी चालवण्याचा निर्णय घेतला आहे. ही गाडी नांदेड, छत्रपती संभाजीनगर या मार्गे धावणार आहे.
५ डिसेंबर रोजी गाडी संख्या ०७१२९ ही गाडी आदिलाबाद येथून सकाळी ७ वाजता सुटणार असून, नांदेडला ही गाडी १०:४५ वाजता पोहोचणार आहे. त्यानंतर ही गाडी पूर्णा, परभणी, जालना, छत्रपती संभाजीनगर, मनमाड व कल्याणमार्गे शनिवारी पहाटे ३:३० वाजता दादर येथे पोहोचेल. तर परतीच्या प्रवासात ७ डिसेंबर रोजी गाडी संख्या ०७१३० ही गाडी दादर येथून मध्यरात्री १:०५ वाजता सुटेल आणि उपरोक्त मार्गाने सायंकाळी ६:४५ वाजता आदिलाबाद येथे पोहोचेल. या गाडीची नांदेडला पोहोचण्याची वेळ दुपारी २ वाजताची आहे.
या विशेष गाडीत १२ जनरल आणि २ एस.एल.आर. असे एकूण १४ डबे उपलब्ध असतील. चैत्यभूमी येथे डॉ. बाबासाहेब आंबेडकर यांना अभिवादन करण्यासाठी जाणाऱ्या अनुयायांसाठी ही गाडी महत्त्वपूर्ण असून, या विशेष गाडीमुळे प्रवाशांची गैरसोय टळणार आहे.
Web Summary : A special train will run between Adilabad and Dadar via Nanded to accommodate the rush for Dr. Ambedkar's Mahaparinirvan Din. The train will halt at major stations, having 14 coaches to ease travel for followers.
Web Summary : डॉ. अम्बेडकर के महापरिनिर्वाण दिवस के लिए आदिलाबाद और दादर के बीच नांदेड़ होते हुए एक विशेष ट्रेन चलेगी। अनुयायियों के लिए यात्रा को आसान बनाने के लिए ट्रेन प्रमुख स्टेशनों पर रुकेगी, जिसमें 14 कोच होंगे।