कमलेश वानखेडेलोकमत न्यूज नेटवर्क नागपूर : महापालिका निवडणुकीत आघाडी करण्यासाठी पुढाकार घेत उद्धव सेनेने काँग्रेसला ३० जागांची मागणी करणारा प्रस्ताव दिला आहे. याशिवाय काँग्रेसशी आघाडी न झाल्यास स्वबळावर लढण्याची तयारी दर्शवित इच्छुक उमेदवारांच्या मुलाखतीही सुरू केल्या आहेत.उद्धव सेनेचे नागपूर शहर जिल्हाप्रमुख
प्रमोद मानमोडे यांनी काँग्रेसचे शहर अध्यक्ष आ. विकास ठाकरे यांची भेट घेत आघाडी करण्याबाबत प्राथमिक चर्चा केली. गेल्या निवडणुकीत शिवसेनेला मिळालेली मते विचारात घेता किमान ३० जागा सोडाव्या, असा प्रस्ताव मानमोडे यांनी आ. ठाकरे यांना दिला. अनेक प्रभागात उद्धव सेनेची काँग्रेसला मदत होईल, असेही त्यांनी सांगितले. चर्चेत दोन्ही पक्षांनी अपेक्षित जागांची यादी तयार करावी व पुढील बैठकीत त्यावर चर्चा करू, असे ठरले. यानंतर उद्धव सेनेने शुक्रवारी निर्मल गंगा अपार्टमेंट नंदनवन येथे इच्छुक उमेदवारांच्या मुलाखती घेतल्या. जिल्हाप्रमुख प्रमोद मानमोडे आणि राज्य संघटक सागर डबरासे यांच्या समक्ष सुमारे ६० इच्छुक उमेदवारांनी मुलाखत दिली. इतर पक्षातील कार्यकर्त्यांही मुलाखत दिल्याचा दावा पक्षातर्फे करण्यात आला आहे. सन्मान जनक जागा मिळाल्या नाही तर स्वबळावर पूर्ण ताकतीनीशी निवडणूक लढवू, असे मानमोडे यांनी मुलाखती दरम्यान स्पष्ट करीत इच्छुक उमेदवारांना तयारी सुरू ठेवण्याचा सूचना केल्या.
Web Summary : Uddhav Sena proposed 30 seats to Congress for alliance in Nagpur municipal elections. Simultaneously, interviews were conducted for candidates, signaling readiness to contest independently if negotiations fail, emphasizing a strong solo fight if needed.
Web Summary : उद्धव सेना ने नागपुर नगर निगम चुनाव में गठबंधन के लिए कांग्रेस को 30 सीटों का प्रस्ताव दिया। साथ ही, उम्मीदवारों के साक्षात्कार आयोजित किए, जो बातचीत विफल होने पर अकेले लड़ने की तैयारी का संकेत देते हैं, जरूरत पड़ने पर मजबूत लड़ाई पर जोर दिया।