लोकमत न्यूज नेटवर्क
नागपूर : लगेज उचलून ठेवण्याच्या वादातून बाचाबाची झाल्यानंतर दोन कुलींनी एका प्रवाशासोबत हाणामारी करून त्याला जखमी केले. अजनी रेल्वे स्थानकावर घडलेल्या या घटनेमुळे फलाटावर काही वेळ गोंधळ निर्माण झाला होता.
सोनू गायकवाड आणि अजय पाल अशी आरोपी कुलींची नावे आहेत. हे दोघेही गोधनी रोडवर राहतात. ते अजनी रेल्वे स्थानकावर कुलीचे काम करतात. पुणे अजनी हमसफर एक्सप्रेसने प्रवास करणारे एक दाम्पत्य रविवारी दुपारी १२.४० वाजता अजनी स्थानकावर उतरले. सोनू आणि अजय त्यांच्याजवळ गेल्यानंतर त्यांनी २०० रुपयांत सामान उचलून फलाटाबाहेर नेण्याचे ठरले. मात्र, फलाट क्रमांक १ चा जिना उतरल्यानंतर सोनूने सामान बाजुला ठेवून दिल्याने संबंधित दाम्पत्याने त्याला गाडीजवळ सामान नेऊन देण्यास सांगितले. त्यावरून त्यांच्यात वाद झाला. तो वाढतच गेला. यानंतर आरोपी अजय पाल सोनूच्या मदतीला आला आणि त्या दोघांनी महिलेच्या पतीला मारहाण केली. खाली पडल्यामुळे पीडित व्यक्तीच्या कंबरेला जबर दुखापत झाली.
हाणामारीच्या या प्रकारामुळे रेल्वे स्थानकावर एकच गोंधळ निर्माण झाला. माहिती कळताच आरपीएफचे पथक घटनास्थळी धावले. त्यांनी पीडित आणि आरोपींना वेगळे करून त्यांना पोलिस चौकीत नेले. उपचार करून घेतल्यानंतर सोमवारी सायंकाळी या प्रकरणात पीडित व्यक्तीच्या तक्रारीवरून रेल्वे पोलिसांनी आरोपी सोनू गायकवाड तसेच अजय पालविरुद्ध मारहाणीचा गुन्हा दाखल केला.
कुलींची दादागिरी नेहमीचीच
नागपूरचे मुख्य आणि अजनी रेल्वे स्थानकावर २४ तास प्रवाशांची वर्दळ असते. फलाटांची आणि विकास कामे सुरू असल्याने प्रवाशांना सहजपणे आपले सामान ईकडून तिकडे उचलून नेणे शक्य होत नाही. त्याचा लाभ उठवत काही कुली मनमानी पद्धतीने वागतात. अव्वाच्या सव्वा पेसे मागतात. त्यांचे वर्तनही अत्यंत उर्मट असते. त्यामुळे रोज कुणा ना कुणासोबत काही कुलींचे खटके उडतात, असे सांगितले जाते.
Web Summary : A passenger was beaten by two coolies at Ajni station following a dispute over luggage handling charges. The incident caused a commotion, leading to police intervention and the filing of assault charges against the coolies. Coolies are known for overcharging passengers.
Web Summary : अजनी स्टेशन पर सामान उठाने के विवाद में दो कुलियों ने एक यात्री को पीटा। इस घटना से हंगामा मच गया, जिसके बाद पुलिस ने हस्तक्षेप किया और कुलियों के खिलाफ मारपीट का मामला दर्ज किया गया। कुलियों द्वारा यात्रियों से अधिक शुल्क लेने की शिकायतें आम हैं।