लोकमत न्यूज नेटवर्कनागपूर : गिट्टीखदान पोलीस ठाण्याच्या हद्दीत आज दुपारी डांबरगिट्टीचा मिश्रण असलेला ट्रक उलटून झालेल्या भीषण अपघात ट्रक चालकाचा मृत्यू झाला. तत्पूर्वी अनियंत्रित ट्रकने परिसरातील एका घराच्या भिंतीला धडक दिली आणि तीन वाहनांचीही मोडतोड केली. या अपघातामुळे परिसरात प्रचंड थरार निर्माण झाला होता.गिट्टीखदान पोलीस ठाण्याच्या हद्दीतील आयबीएम रोडवर डांबरगिट्टीचा मिश्रण घेऊन चाललेला एक भरधाव ट्रक उलटला. त्याखाली दबून चालकाचा मृत्यू झाला. अपघातापूर्वी ट्रकची एका ऑटो आणि दोन दुचाकी यांनाही धडक बसल्यामुळे त्यांची मोडतोड झाली. या अपघातामुळे परिसरात एकच गोंधळ निर्माण झाला. मोठ्या संख्येत नागरिक घटनास्थळी जमले. विशेष म्हणजे, २ च्या सुमारास झालेल्या या अपघाताची माहिती रात्री ८ वाजेपर्यंत गिट्टीखदान पोलीस ठाण्यातून माहिती कक्षाला किंवा पत्रकारांना देण्यात आली नाही. गुन्हा दाखल होण्यास उशीर लागेल असे सांगितले जात होते. सूत्रांच्या माहितीनुसार मृताचे नाव नीतेश भानुदास परतपायरे (वय २५) आहे. तो उटी, चांपा येथील रहिवासी असल्याचे समजते.भिंत भुईसपाटट्रक उलटण्यापूर्वी चालकाने रिजवान खान रुमवी यांच्या घराच्या भिंतीला जोरदार धडक दिल्यामुळे समोरची भिंत भुईसपाट झाली.
नागपुरात डांबर गिट्टी मिश्रणाचा ट्रक उलटला
By लोकमत न्यूज नेटवर्क | Updated: July 14, 2020 22:44 IST