लाेकमत न्यूज नेटवर्क
रामटेक : पावसाला अचानक सुरुवात झाल्याने शेतकरी, पाेलीसपाटील, मजूर व गुराख्याने शेतातील झाेपडीत आश्रय घेतला. त्यातच जाेरात कडाडलेली वीज थेट झाेपडीवर काेसळली. त्यामुळे हाेरपळलेल्या तिघांचा झाेपडीतच मृत्यू झाला, तर दोन जण गंभीर जखमी झाले. त्यांच्यावर रामटेक शहरात उपचार सुरू आहेत. मृतांमध्ये पाेलीसपाटील, मजूर व गुराख्याचा, तर जखमींमध्ये शेतकरी व १२ वर्षीय बालकाचा समावेश आहे. ही घटना चाेरखुमारी (ता. रामटेक) शिवारात मंगळवारी दुपारी ३ वाजेच्या सुमारास घडली.
याेगेश अशाेक काेकण (३०), मधुकर सावजी पंधराम (५५, दाेघेही रा. चाेरखुमारी, ता. रामटेक) व दिलीप मंगल लांजेवार (४२, रा. डाेंगरी, ता. रामटेक) अशी मृतांची नावे असून, जखमींमध्ये हरिसिंग धाेंडबा सराेते व नेहाल रामसिंग कुमरे (१२ दाेघेही रा. चाेरखुमारी, ता. रामटेक) यांचा समावेश आहे.
हरिसिंग सराेते यांची गावालगत शेती असून, त्यांनी पाेलीसपाटील याेगेश काेकण यांचा ट्रॅक्टर मशागतीसाठी किरायाने घेतला हाेता. दिलीप लांजेवार यांच्या शेतात कामाला हाेते, तर मधुकर पंधराम व त्यांना नातू नेहाल शेतालगत त्यांच्या गाई चारत हाेते. दरम्यान, दुपारी ३ वाजेच्या सुमाराच पावसाला सुरुवात झाली. त्यामुळे या सर्वांनी शेतात असलेल्या झाेपडीत आश्रय घेतला.
त्यातच जाेरात कडाडलेली वीज थेट झाेपडीच्या मध्यभागी काेसळली. यात झाेपडीतील पाचही जण हाेरपळल्याने गंभीर जखमी झाले. शिवाय, याेगेश काेकण, मधुकर पंधराम व दिलीप लांजेवार यांचा झाेपडीतच मृत्यू झाला. हा प्रकार लक्षात येताच नागरिकांनी घटनास्थळाकडे धाव घेतली. माहिती मिळताच देवलापार (ता. रामटेक) पाेलीसही घटनास्थळी दाखल झाले.
त्यांनी दाेन्ही जखमींना उपचारासाठी तर तिन्ही मृतदेह उत्तरीय तपासणीसाठी रामटेक शहरातील उपजिल्हा रुग्णालयात नेले. त्या दाेघांची प्रकृती स्थिर व धाेक्याबाहेर असल्याची माहिती डाॅक्टरांनी दिली. या घटनेमुळे चाेरखुमारी गावात शाेककळा पसरली आहे. याप्रकरणी देवलापार पाेलिसांनी नाेंद केली असून, तपास सुरू केला आहे.