नागपूर : हवामान विभागाने बुधवारी विदर्भात मान्सूनच्या आगमनाची अधिकृत घाेषणा केली आहे. आता ताे गडचिराेलीत पाेहचल्याची घाेषणा वेधशाळेतर्फे करण्यात आली. मात्र घाेषणेच्या एक दिवसापूर्वीच मान्सूनपूर्व पावसाने मात्र विदर्भातील काही जिल्ह्यांना चांगलाच तडाखा दिला. मंगळवारी रात्री ते बुधवार सकाळपर्यंत अकाेल्यात विक्रमी पाऊस काेसळला, तर अमरावतीलाही पावसाने झाेडपले. बुधवारी सायंकाळी वादळवाऱ्यासह बरसलेल्या पावसाने नागपूरकरांचीही दाणादाण उडवली.
अकाेल्यात मंगळवारी रात्री झालेल्या पावसाने मे महिन्यातील पावसाचा तब्बल सव्वाशे वर्षाचा विक्रम माेडित काढला. बुधवारी सकाळी ८.३० वाजतापर्यंत येथे १४०.७ मि.मी. पावसाची नाेंद झाली आहे, जी आतापर्यंत मे महिन्यातील व २४ तासातील सर्वाधिक नाेंद हाेय. यापूर्वी १८९३ साली मे महिन्यात १०४.१ मि.मी. पाऊस बरसला हाेता. २४ तासाच्या विक्रमात २८ मे १९४३ साली ४४.७ मि.मी. पाऊस झाला हाेता.
दुसरीकडे बुधवारी सकाळपर्यंत अमरावतीत ४५.२ मि.मी. पाऊस बरसला. यामुळे बऱ्याच वस्त्या जलमय झाल्याची माहिती आहे. या दाेन्ही शहरात बुधवारी मात्र दिवसभर पावसाने शांतता बाळगली. दुसरीकडे दिवसभर उकाडा सहन करणाऱ्या नागपूरकरांना सायंकाळी मात्र पावसाने धाे-धाे धुतले. सायंकाळी ५ वाजताच्या सुमारास आकाशात जमलेल्या काळ्याभाेर ढगांनी संपूर्ण अंधार पसरला हाेता. ५.३० वाजता साेसाट्याचा वारा, वादळ आणि ढगांच्या गडगडाटासह जाेरदार सरी बरसल्या. अर्धा-पाऊण तास झालेल्या पावसाने दाणादाण उडवली. अचानक झालेल्या पावसामुळे चाकरमाण्यांची तारांबळ उडाली.