ओल्ड ऐज होममध्ये नर्सची छेडखानी

नागपूर : ओल्ड ऐज होमच्या डॉक्टरतर्फे नर्सची छेडखानी केल्याचा प्रकार उघडकीस आला आहे. अजनी पोलिसांनी आरोपी ४० वर्षीय सुनील वर्गीस याच्याविरुद्ध गुन्हा दाखल केला आहे. वर्गीसचे मंगलदीपनगर येथे ओल्ड ऐज होम आहे. ते आजारी वरिष्ठ नागरिकांचा उपचार व देखभाल करतात. ते ओल्ड ऐज होममध्येच राहतात. पीडित १९ वर्षीय युवती दोन दिवसांपूर्वीच वर्गीस यांच्याकडे कामाच्या शोधात आली होती. वर्गीसने तिला कामावर ठेवून घेतले. त्यांनी तिला इमर्जन्सीमध्ये तिथे राहायला सांगितले. असे सांगितले जाते की, ओल्ड ऐज होममध्ये मंगळवारी एक वृृद्धाचा मृत्यू झाला होता. त्यामुळे पीडितेला घरी जायला उशीर झाला होता. तेव्हा वर्गीसने तिला आता खूप उशीर झाल्याचा हवाला देत आपल्या खोलीतच झोपायला सांगितले. पीडितेनुसार ती वर्गीसच्या खोलीत झोपायला गेली. तिथे वर्गीसचा अल्पवयीन मुलगाही झोपला होता. रात्री ११ वाजता वर्गीसने खोलीत येऊन तिच्याशी आपत्तीजनक व्यवहार केला. यामुळे ती घाबरली आणि आपल्या घरी निघून गेली. तिने आपल्या आईला घडलेला प्रकार सांगितला. आईसोबत अजनी पोलीस ठाण्यात जाऊन तक्रार दाखल केली. पोलिसांनी छेडखानीचा गुन्हा दाखल केला.