नागपुरात थकबाकीदारांची खैर नाही; ५१४ मालमत्ता काढणार लिलावात

By लोकमत न्यूज नेटवर्क | Published: November 26, 2020 11:29 AM2020-11-26T11:29:45+5:302020-11-26T11:31:23+5:30

Nagpur News NMC गेल्या वर्षीच्या तुलनेत यावर्षी महापालिकेच्या मालमत्ता कराची वसुली १८ कोटींनी कमी आहे. वसुलीसाठी प्रशासनाने थकबाकीदारांच्या मालमत्ता लिलावात काढण्याची तयारी केली आहे. डिसेंबर महिन्यात ५१४ मालमत्तांचा लिलाव केला जाणार आहे.

Nagpur does not have arrears; 514 properties to be auctioned | नागपुरात थकबाकीदारांची खैर नाही; ५१४ मालमत्ता काढणार लिलावात

नागपुरात थकबाकीदारांची खैर नाही; ५१४ मालमत्ता काढणार लिलावात

googlenewsNext
ठळक मुद्देमनपा प्रशासनाची कर वसुली मोहीम२५ नोव्हेंबरपर्यंत ११७ कोटी वसूल

लोकमत न्यूज नेटवर्क

नागपूर : कोविंड संसर्गामुळे यावरचे मालमत्ता कर भरण्याचे प्रमाण कमी दिसत आहे. गेल्या वर्षीच्या तुलनेत यावर्षी महापालिकेच्या मालमत्ता कराची वसुली १८ कोटींनी कमी आहे. वसुलीसाठी प्रशासनाने थकबाकीदारांच्या मालमत्ता लिलावात काढण्याची तयारी केली आहे. डिसेंबर महिन्यात ५१४ मालमत्तांचा लिलाव केला जाणार आहे.

१ एप्रिल ते २५ नोव्हेंबर २०२० पर्यंत ११७ कोटीची कर वसुली झाली. गेल्या वर्षी याच कालावधीत १३५ कोटी वसूल झाले होते. ३१ मार्च २०२० पर्यंत कार्यालयीन कामकाजाची संख्या ८७ दिवस आहे. या आधारावर झोनस्तरावर वसुलीचे लक्ष्य सहायक आयुक्तांना दिले आहे. गेल्या वर्षी प्रयत्न करूनही २४६ कोटीचीच वसुली झाली होती. कोविड संक्रमण नसते तर २६० कोटीची वसुली झाली असती, असा प्रशासनाचा दावा आहे

स्थायी समितीचे टार्गेट कमी

आयुक्तांनी आपल्या अर्थसंकल्पात २८९ कोटीचे लक्ष्य निर्धारित केले होते. तर स्थायी समितीचे अध्यक्ष विजय झलके यांनी २०२०-२१ या आर्थिक वर्षाच्या अर्थसंकल्पात मालमत्ता कराचे उद्दिष्ट कमी करून २२३ कोटी ठेवले आहे. कोविड संक्रमणाचा विचार करता अर्थसंकल्पात मालमत्ता करावरील दंड माफ करण्याचा निर्णय घेतला. परंतु आयुक्तांनी त्याला अद्याप मंजुरी दिलेली नाही.

कर वसुलीवर लक्ष केंद्रित : मेश्राम

झोनच्या सहायक आयुक्तांना कर वसुलीचे लक्ष्य निर्धारित केले आहे. त्यानुसार ३१ मार्चपर्यंत ३०० कोटीची वसुली करावयाची आहे. डिसेंबर महिन्यात थकबाकीदारांच्या मालमत्ता मोठ्या प्रमाणात लिलावात काढण्यात येतील, अशी माहिती मनपाचे उपायुक्त (महसूल) मिलिंद मेश्राम यांनी दिली

Web Title: Nagpur does not have arrears; 514 properties to be auctioned

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.