‘आॅनस्क्रीन’ मूल्यांकनासाठी ‘हायटेक’ पाऊल

राष्ट्रसंत तुकडोजी महाराज नागपूर विद्यापीठात यंदाच्या हिवाळी परीक्षांतून एक नवा इतिहास निर्माण झाला आहे.

नागपूर विद्यापीठ : अद्ययावत मूल्यांकन केंद्राची वेगवान वाटचालनागपूर : राष्ट्रसंत तुकडोजी महाराज नागपूर विद्यापीठात यंदाच्या हिवाळी परीक्षांतून एक नवा इतिहास निर्माण झाला आहे. ‘आॅनस्क्रीन’ मूल्यांकनाच्या दृष्टीने विद्यापीठाने ‘हायटेक’ पाऊल उचलले आहे. यासाठी परीक्षा भवनात अद्ययावत ‘स्कॅनिंग मशीन’ व संगणक संच असलेल्या केंद्राची निर्मिती करण्यात आली आहे. येथे प्रचंड वेगाने उत्तरपत्रिकांचे ‘स्कॅनिंग’ करण्यात येत आहे. विद्यापीठाचे कुलगुरू डॉ. सिद्धार्थविनायक काणे व प्र-कुलगुरू डॉ. प्रमोद येवले यांनी बुधवारी या केंद्राची पाहणी केली. अशाप्रकारचे अद्ययावत ‘स्कॅनिंग’ केंद्र उभारणारे नागपूर विद्यापीठ राज्यातील प्रथम विद्यापीठ ठरले आहे.राज्य शासनाच्या राजेश अग्रवाल समितीच्या शिफारशींनुसार विद्यापीठात तंत्रज्ञानाच्या मदतीचे मूल्यांकन करण्यावर भर देण्याचे निर्देश राज्यपालांनीच दिले होते. त्यानुसार यंदाच्या सत्रापासून मूल्यांकन, पुनर्मूल्यांकन सारे काही ‘आॅनलाईन’ करण्याचा विद्यापीठाने निर्णय घेतला. त्यासाठी आवश्यक असलेल्या या ‘स्कॅनिंग’ केंद्राची स्थापना ‘प्रोमार्क’च्या मदतीने करण्यात आली आहे. या केंद्रावर उत्तरपत्रिकांचे थेट ‘स्कॅनिंग’ होणार असून मूल्यांकनाची सुविधा राहणार आहे. ‘स्कॅनिंग’साठी ६० मशीन ‘आॅनस्क्रीन’ मूल्यांकनासाठी ‘हायटेक’ पाऊलनागपूर : मूल्यांकनाच्या ‘स्कॅनिंग’साठी ६० मशीन लावण्यात आल्या आहेत. दिवसभरात २५ हजारांच्या जवळपास उत्तरपत्रिका ‘स्कॅन’ होऊ शकतात. परीक्षा नियंत्रक डॉ.नीरज खटी यांचे या केंद्रावर पूर्ण लक्ष राहणार असून भविष्यात आणखी संगणक बसविण्यात येणार आहेत.मूल्यांकनासाठी पाच केंद्रविद्यापीठाने उत्तरपत्रिकेच्या मूल्यांकनासाठी पाच केंद्र सुरू केली आहेत. यात रामदेवबाबा अभियांत्रिकी महाविद्यालय, अंजुमन अभियांत्रिकी महाविद्यालय, विद्यापीठ परिसर ग्रंथालय, अ‍ॅकेडॅमिक स्टाफ कॉलेजचा समावेश आहे. सध्या अभियांत्रिकी, विधी, औषधनिर्माणशास्त्र विभागाच्या परीक्षांचे मूल्यांकन आॅनस्क्रीन करण्यात येत आहे. आॅनस्क्रीन मूल्यांकनासाठी प्राध्यापकांना ‘डेमो’ दाखवून प्रशिक्षित करण्यात येणार आहे. त्यांना या उत्तरपत्रिकेचे मूल्यांकन करण्यासाठी दररोज विशिष्ट ‘पासवर्डह्ण दिल्या जातील. एका दिवशी एका प्राध्यापकाला केवळ ३० उत्तरपत्रिकांचे मूल्यांकन करता येणार आहे. मात्र, या उत्तरपत्रिका सलग असल्याने त्या कोणत्या महाविद्यालयाच्या आहेत, हे कळणार नसल्याची माहिती देण्यात आली.तंत्रज्ञानाच्या युगात आता ‘स्मार्टफोन’च्या माध्यमातून जग अतिशय जवळ झाले आहे. माहितीची देवाणघेवाण वेगवान झाली आहे. विद्यार्थ्यांपर्यंत विद्यापीठातील विविध योजना, नियम, घोषणा, परीक्षांचे वेळापत्रक इत्यादींची माहिती तत्काळ पोहोचावी यासाठी विद्यापीठाने ‘एमकेसीएल’च्या मदतीने स्वत:चे ‘मोबाईल अ‍ॅप’ तयार केले आहे. या ‘अ‍ॅप’च्या माध्यमातून विद्यार्थ्यांना अत्याधुनिक सुविधा उपलब्ध करून देण्यात येणार आहेत. हे ‘अ‍ॅप’ बुधवारपासून ‘लॉन्च’ करण्यात आले आहे.या ‘अ‍ॅप’मुळे परीक्षेचे निकाल बघणे, अर्ज करणे यासह स्पर्धा परीक्षांची माहितीही विद्यार्थ्यांना केवळ एका ‘क्लिक’वर मिळणार आहे. शिवाय संलग्नित महाविद्यालयांमध्ये आयोजित झालेले किंवा करण्यात आलेले कार्यक्रम, चर्चासत्र इत्यादींची थेट माहिती मिळू शकणार आहे. (प्रतिनिधी)