त्वमेव बंधुश्च सखा त्वमेव

श्रवणीय संगीत, तालबद्ध पदन्यास, शिस्तबद्ध नियोजन अन् अप्रतिम अभिनयाचा संगम. कधी दिसणारा श्रीकृष्णाचा खट्याळपणा, तर कधी उमटणारा सुभद्रेचा हट्ट. श्रीकृष्ण आणि सुभद्रा यांच्यातील

‘श्री श्री पर्व’मध्ये रंगली नृत्यनाटिका : सांदिपनीच्या विद्यार्थ्यांनी रसिकांना केले मंत्रमुग्धनागपूर : श्रवणीय संगीत, तालबद्ध पदन्यास, शिस्तबद्ध नियोजन अन् अप्रतिम अभिनयाचा संगम. कधी दिसणारा श्रीकृष्णाचा खट्याळपणा, तर कधी उमटणारा सुभद्रेचा हट्ट. श्रीकृष्ण आणि सुभद्रा यांच्यातील बहीण भावामधील प्रेमळ बंधाची क्षणाक्षणाला मिळणारी उत्कट अनुभूती. डॉ.वसंतराव देशपांडे सभागृहात रंगलेल्या ‘श्री श्री पर्व’ या कार्यक्रमादरम्यान सांदीपनी शाळेच्या हजारीपहाड शाखेच्या विद्यार्थ्यांनी ‘त्ममेव बंधुश्च सखा त्वमेव’ ही नृत्यनाटिका अत्यंत सुरेखपणे सादर करीत ‘हाऊसफुल्ल’ सभागृहात उपस्थित रसिकांना मंत्रमुग्ध केले.सांदीपनी शाळेचे संस्थापक डॉ.श्रीकांत जिचकार यांच्या ६० व्या जयंतीनिमित्त ‘श्री श्री पर्व’ हा वार्षिकोत्सव आयोजित करण्यात आला होता. डॉ.जिचकार यांचे आदर्श असलेल्या भगवान श्रीकृष्ण यांच्यावर आधारित या कलाकृतीची निर्मिती सांदीपनी परिवारातर्फे करण्यात आली. श्रीकृष्ण आणि सुभद्रा यांच्या आयुष्यातील निरनिराळे भावुक प्रसंग यावेळी नृत्यनाटिकेच्या माध्यमातून मांडण्यात आले. सुभद्रेच्या जन्मापासून ते तिच्या अर्जुनाशी विवाहापर्यंतचे विविध प्रसंग अतिशय कल्पकतेने या नृत्यनाटिकेत गुंफण्यात आले होते. शाळेतील विद्यार्थ्यांनीच सादर केलेल्या या नाटिकेला उपस्थितांनी भरभरून दाद दिली. यावेळी महानगरपालिका आयुक्त श्याम वर्धने, राष्ट्रसंत तुकडोजी महाराज नागपूर विद्यापीठाच्या ललित कला विभागाचे माजी प्रमुख डॉ.विनोद इंदूरकर यांची या नृत्यनाटिकेला विशेष उपस्थिती होती. शाळेच्या अध्यक्षा राजश्री श्रीकांत जिचकार यांनी या कार्यक्रमाबद्दल उपस्थितांना माहिती देतानाच शाळेच्या प्रगतीवर प्रकाश टाकला. या कार्यक्रमात दहावी व बारावीच्या गुणवंत विद्यार्थ्यांचादेखील सत्कार करण्यात आला.नृत्यनाटिकेची संकल्पना, पटकथा, दिग्दर्शन, गीत, लेखन इत्यादी प्रकारच्या जबाबदाऱ्या शिक्षकांनीच पार पाडल्या. शाळेच्या प्रमुख सल्लागार लता थेरगावकर, व्यवस्थापिका मृणालिनी काळे, मुख्याधापिका भारती बिजवे, शांती मेनन तसेच उपमुख्याध्यापिका मिस मल्का फैजुद्दिन यांचे मोलाचे मार्गदर्शन लाभले.(प्रतिनिधी)