महावितरण विरोधात भाजपचा हल्लाबोल

कुही/कोराडी/कामठी/सावनेर/कळमेश्वर/उमरेड/भिवापूर : लॉकडाऊन काळात बिल भरले नाही म्हणून महावितरणने राज्यातील ७५ लाख वीजग्राहकांना वीज कनेक्शन कापण्यासाठी नोटीस बजावल्या आहेत. राज्य सरकारने लॉकडाऊन काळातील सामान्य ग्राहकांचे वीजबिल माफ करावे, अशी मागणी करीत भाजपच्या वतीने शुक्रवारी जिल्हाभर आंदोलन करण्यात आले. जिल्ह्यात २५ ठिकाणी वीज केंद्रासमोर करण्यात आलेल्या हल्लाबोल आंदोलनात वीजबिलाची होळी करीत महाविकास आघाडी सरकारचा निषेध करण्यात आला. यासोबतच महावितरणच्या कार्यालयांना टाळे ठोकण्यात आले. कोराडी येथे महावितरणच्या कार्यालयाला भाजपचे प्रदेश महामंत्री चंद्रशेखर बावनकुळे यांनी टाळे ठोकले. याप्रसंगी नगराध्यक्ष राजेश रंगारी, अनिल निधान, किशोर बेले आदी कार्यकर्ते उपस्थित होते. कुही येथे जिल्हाध्यक्ष अरविंद गजभिये यांच्या नेतृत्वात झालेल्या आंदोलनात डॉ. शिवाजी सोनसरे, सुनील जुवार, भोजराज ठवकर,आस्तिक पाटील सहारे, गयानीवंत साखरवाडे, संदीप सुखदेवे आदी उपस्थित होते. उमरेड येथे माजी आमदार सुधीर पारवे यांच्या नेतृत्वात झालेल्या आंदोलनात नगराध्यक्षा विजयालक्ष्मी भदोरीया, मंडळ अध्यक्ष दिलीप सोनटक्के, डॉ.मुकेश मुदगल आदी सहभागी झाले होते. भिवापूर येथे आनंदराव राऊत, भास्कर येंगळे, सुधाकर बोरकुटे, आनंद गुप्ता आदी नेत्यांसह २००पेक्षा जास्त कार्यकर्ते सहभागी झाले होते. नरखेड येथील महावितरण कार्यालयासमोर जिल्हा उपाध्यक्ष उकेश चव्हाण, मंडळ अध्यक्ष सुनील कोरडे, मनोज कोरडे, श्यामराव बारई, सुरेश खसारे, इस्माईल बारुतवाले, संजय कामडे आदी कार्यकर्ते सहभागी झाले होते. काटोल येथील वीज मंडळ कार्यालयासमोर भाजप नेते चरणसिंग ठाकूर, किशोर रेवतकर, संदीप सरोदे, वैशाली ठाकूर, दिलीप ठाकरे, योगेश चाफले, विजय महाजन आदी सहभागी झाले होते. कळमेश्वर येथे प्रदेश भाजप सदस्य डॉ. राजीव पोतदार, रमेश मानकर, इमेश्वर यावलकर, प्रकाश टेकाडे, मीना तायवाडे, राजेश जीवतोडे, दिलीप धोटे यांच्या उपस्थितीत आंदोलन करण्यात आले. सावनेर येथील आंदोलनात अशोक धोटे, संजय टेकाडे, सोनबा मुसळे, नितीन राठी, दादाराव मंगळे, विजय देशमुख, रामराव मोवाडे सहभागी झाले होते. हिंगणा, वाडी येथील आंदोलनात आमदार समीर मेघे, जिल्हा महिला आघाडी अध्यक्ष संध्या गोतमारे, अंबादासजी उके, युवा मोर्चा अध्यक्ष आदर्श पटले, धनराज आष्टणकर आदी सहभागी झाले होते. बुटीबोरी येथे नगराध्यक्ष बबलू गौतम,आकाश वानखेडे यांच्या नेतृत्वात यांच्या नेतृत्वात आंदोलन करण्यात आले. कामठी येथील आंदोलनात संजय कनोजीया, मनीष वाजपेयी, विवेक मंगतानी, राजेश खंडेलवाल आदी सहभागी झाले होते.