Raja Shivaji: रितेश देशमुखच्य 'राजा शिवाजी' सिनेमा ब्लॉकबस्टर ठरला आहे. या सिनेमाने बॉक्स ऑफिसवर १७ दिवसांतच १०० कोटींचा गल्ला जमवला आहे. 'सैराट'नंतर १०० कोटी कमावणारा 'राजा शिवाजी' हा मराठीतील दुसरा सिनेमा ठरला आहे. आता 'राजा शिवाजी' सिनेमा सैराटचा रेकॉर्ड मोडणार का? याकडे सगळ्यांचं लक्ष लागून राहिलं आहे.
१ मे रोजी प्रदर्शित झालेला 'राजा शिवाजी' चित्रपट मराठी सिनेमांसाठी अच्छे दिन घेऊन आला आहे. अवघ्या १७ दिवसांतच 'राजा शिवाजी' सिनेमाने १०० कोटींच्या क्लबमध्ये एन्ट्री केली आहे. या सिनेमाने जगभरात १००.०७ कोटींचा गल्ला जमवला आहे. नवा रेकॉर्ड बनवण्यासाठी आणि नागराज मंजुळेंच्या सैराटचा रेकॉर्ड मोडण्यासाठी 'राजा शिवाजी' आता काही पावलंच दूर आहे. २०१६ साली प्रदर्शित झालेल्या सैराट सिनेमाने एकूण ११० कोटींची कमाई करत नवा बेंचमार्क सेट केला होता. आता तब्बल १० वर्षांनी 'राजा शिवाजी' हा रेकॉर्ड मोडून नवा विक्रम करणार असल्याची चर्चा रंगली आहे.
'राजा शिवाजी' सिनेमातून आत्तापर्यंत कधीही न दाखवलेला छत्रपती शिवरायांचा इतिहास मोठ्या पडद्यावर दाखवण्यात आला. या सिनेमात अभिनेता रितेश देशमुखमे छत्रपती शिवाजी महाराजांची भूमिका साकारण्यासोबतच चित्रपटाचं दिग्दर्शनही केलं आहे. विद्या बालन, अभिषेक बच्चन, फरदीन खान, संजय दत्त, भाग्यश्री या बॉलिवूड कलाकारांच्या 'राजा शिवाजी'मध्ये मुख्य भूमिका आहेत.
Web Summary : Riteish Deshmukh's 'Raja Shivaji' becomes a blockbuster, earning ₹100 crore in 17 days. The film is now the second Marathi movie to achieve this milestone after 'Sairat', sparking speculation about whether it will break 'Sairat's' record. It features Bollywood stars and a never-before-seen portrayal of Shivaji Maharaj.
Web Summary : रितेश देशमुख की 'राजा शिवाजी' ब्लॉकबस्टर बनी, 17 दिनों में ₹100 करोड़ कमाए। 'सैराट' के बाद यह उपलब्धि हासिल करने वाली यह दूसरी मराठी फिल्म है, जिससे यह अटकलें लगाई जा रही हैं कि क्या यह 'सैराट' का रिकॉर्ड तोड़ेगी। फिल्म में बॉलीवुड सितारे और शिवाजी महाराज का अनदेखा चित्रण है।