ऑनलाइन टीम
पुणे,दि. २९ - महाराष्ट्र राज्य माध्यमिक आणि उच्च माध्यमिक मंडळातर्फे घेण्यात आलेल्या बारावीच्या परीक्षेचा निकाल २ जून रोजी जाहीर होणार आहे. २ जूनला दुपारी एक वाजता मंडळाच्या संकेतस्थळावर हा निकाल पाहता येणार आहे.
सीबीएसई बोर्डाचा १२ वीचा निकाल जाहीर झाल्यावर राज्यातील १२ वीचा निकाल कधी जाहीर होईल याकडे विद्यार्थी व पालकांचे लक्ष लागले होते. गुरुवारी मंडळाने १२ वीचा निकाल २ जून रोजी जाहीर होईल असे जाहीर केले. यंदा राज्यातून सुमारे ११ लाख विद्यार्थी बारावीच्या परीक्षेस बसले होते.