वर्धा : एका मानहानी प्रकरणी दिवाणी न्यायालयाने दिलेल्या निकालाविरोधात दैनिक देशोन्नतीचे मुख्य संपादक प्रकाश पोहरे व तत्कालीन संपादक राजेश राजोरे यांनी मुख्य जिल्हा व सत्र न्यायालयात याचिका दाखल केली होती. या प्रकरणी सोमवारी सुनावणीदरम्यान न्यायालयाने ती फेटाळत दिवाणी न्यायालयाच्या निकालावर शिक्कामोर्तब केले. यानंतर तत्काळ पोहरे आणि राजोरे यांना अटक करण्यात आली.
मुख्य जिल्हा व सत्र न्यायाधीश विभा कंकणवाडी यांच्या आदेशानंतर दुपारी 1च्या सुमारास अटकेची कारवाई केली. बोरगाव (मेघे) येथील औषधी निर्माण शास्त्र शिक्षण व संशोधन संस्थेचे प्राचार्य डॉ. प्रमोद येवले व त्यांची मित्रमंडळी महाविद्यालयातील वसतिगृहात मुलींचा लैंगिक छळ करतात, अशी 43 मुलींची तक्रार आहे, अशा आशयाचे वृत्त 1 जून 2क्क्3 रोजी दै. देशोन्नतीमध्ये प्रकाशित करण्यात आले होते. या प्रकरणी सरकार पक्षातर्फे अॅड. पी.बी. टावरी व त्यांचे सहकारी अॅड. सुभाष खोपडे यांनी युक्तिवाद केला. (प्रतिनिधी)
{{#config.logo.enabled}}
{{/allowed}}