Maharashtra Marathi News | महाराष्ट्र मराठी बातम्या | Maharashtra News Paper Today | Maharashtra News In Marathi | Live Crime News From Maharashtra | महाराष्ट्र ताज्या बातम्या | Maharashtra Breaking News in Marathi

ऑनलाइन लोकमतऔरंगाबाद, दि. 29 - जिल्हा परिषदेच्या मैदानात फटाक्यांच्या स्टॉल्सना भीषण आग लागली होती. या मैदानात असणारे जवळपास 200 फटाक्यांचे स्टॉल्स आगीत जळून खाक झाले आहेत. एकमेकांना लागून फटाक्यांचे स्टॉल्स असल्यामुळे ही आग मोठ्या प्रमाणात भडकली. आगीमध्ये 20 ते 25 दुचाकी आणि अनेक चारचाकी वाहनेदेखील जळून भस्मसात झाली. सुदैवाने आगीत कोणतीही जीवितहानी झालेली नाही. मात्र आगीमुळे कोट्यवधीचं नुकसान झालं आहे. सध्या आग आटोक्यात आली आहे. गंभीर बाब म्हणजे निवासी परिसरात ही घटना घडली आहे. दरम्यान, ही आग नेमकी कोणत्या कारणामुळे लागली, याची माहिती अजूनही अस्पष्ट आहे. मात्र शॉर्टसर्किटमुळे ही आग लागल्याचा प्राथमिक अंदाज व्यक्त करण्यात येत आहे. आग विझवण्यासाठी स्थानिकांसह फायर ब्रिगेडदेखील शर्थीचे प्रयत्न करत होते. आगीची माहिती मिळताच फायर ब्रिगेडच्या तीन गाड्या, पोलिसांचे पथक आणि अॅम्ब्युलन्स घटनास्थळी दाखल झाली होती. (बेकायदेशीर फटाका दुकानांवर कठोर कारवाई करा - हायकोर्ट) आगीमुळे नुकसान झालेल्यांना भरपाई देणार असल्याचं चंद्रकांत खैरे यांनी सांगितलं आहे. दरवर्षी या मैदानावर फटाक्यांचं मार्केट भरलेलं असत. मात्र ही आग पाहता सुरक्षेच्या दृष्टीकोनातून कोणती उपाययोजना केली नव्हती का ? असा सवाल उपस्थित केला जाऊ लागला आहे. आग लागली असल्याने नागरिकांनी घटनास्थळी धाव घेण्यास सुरुवात केली असल्याने गर्दी होऊ लागली होती. पोलिसांनी औरंगाबादकरांना गर्दी न करण्याचं आवाहन केलं होतं.

Maharashtra (Marathi News)

यावर्षी झालेल्या सततच्या हवामान बदलाचा परिणाम द्राक्ष उत्पादनावर झाला आहे. ...

दिवाळीचा दुसरा दिवस म्हणजेच अश्विन अमावास्या, साडेतीन मुहूर्तांपैकी एक असलेल्या लक्ष्मीपूजनाचा दिवस. ...