पद्म पुरस्कार २०२६: महाराष्ट्राचा झेंडा दिमाखात! राज्यातील सर्व पुरस्कार विजेत्यांची यादी एका क्लिकवर...

Padma Awards 2026 winners from Maharashtra :

प्रजासत्ताक दिनानिमित्त केंद्र सरकारने जाहीर केलेल्या पद्म पुरस्कारांच्या यादीत महाराष्ट्राचे वर्चस्व पाहायला मिळत आहे. चित्रपटसृष्टीतील दिग्गज अभिनेते धर्मेंद्र सिंह देओल यांना मरणोत्तर 'पद्मविभूषण' हा देशाचा दुसरा सर्वोच्च नागरी सन्मान जाहीर झाला आहे. महाराष्ट्राला यावर्षी एकूण १५ पद्म पुरस्कार मिळाले असून त्यात १ पद्मविभूषण, ३ पद्मभूषण आणि ११ पद्मश्री पुरस्कारांचा समावेश आहे.

पद्मभूषण पुरस्काराचे मानकरी

राज्यातून तीन दिग्गजांना पद्मभूषण पुरस्कार जाहीर झाला आहे: १. अलका याज्ञिक (कला): भारतीय संगीतातील त्यांच्या अमूल्य योगदानासाठी.

२. पीयूष पांडे (मरणोत्तर - कला): जाहिरात क्षेत्रातील जागतिक कीर्तीच्या कार्यासाठी.

३. उदय कोटक (व्यापार आणि उद्योग): बँकिंग आणि व्यापार क्षेत्रातील योगदानासाठी.

पद्मश्री पुरस्काराची मोहोर

क्रीडा, कला आणि समाजसेवा क्षेत्रात महाराष्ट्रातील खालील मान्यवरांना पद्मश्री जाहीर झाला आहे:

• रोहित शर्मा (क्रीडा): भारतीय क्रिकेट संघाचा माजी कर्णधार.

• आर. माधवन (कला): प्रसिद्ध अभिनेता आणि दिग्दर्शक.

• रघुवीर खेडकर (कला): तमाशा आणि लोककलेतील योगदानासाठी.

• भिकल्या लाडक्या धिंडा (कला): पालघरमधील प्रसिद्ध तारपा वादक.

• अर्मिडा फर्नांडिस (वैद्यकीय): नवजात बालकांच्या आरोग्यासाठी दिलेल्या योगदानासाठी.

• श्रीरंग देवबा लाड (कृषी): शेती क्षेत्रातील नाविन्यपूर्ण प्रयोगांसाठी.

• अशोक खाडे (व्यापार आणि उद्योग): यशस्वी उद्योजक आणि प्रेरणादायी प्रवास.

• सत्यनारायण नुवाल (व्यापार आणि उद्योग): संरक्षण आणि औद्योगिक क्षेत्रातील योगदान.

• जुझेर वासी (विज्ञान आणि अभियांत्रिकी): वैज्ञानिक क्षेत्रातील संशोधन.

• जनार्दन बापुराव बोथे (समाजकार्य): सामाजिक क्षेत्रातील निस्वार्थ सेवा.

• सतीश शहा (मरणोत्तर - कला): मनोरंजन क्षेत्रातील योगदान.