मुंबई: राष्ट्रवादी काँग्रेस (अजित पवार गट) पक्षाच्या राष्ट्रीय अध्यक्षपदाचा सस्पेन्स आज संपणार आहे. वरळी येथील 'डोम' मध्ये आज संध्याकाळी ४ वाजता पक्षाच्या वरिष्ठ नेत्यांची आणि आमदारांची महत्त्वाची बैठक बोलावण्यात आली असून, याच बैठकीत नव्या राष्ट्रीय अध्यक्षाची निवड होणार आहे. आमदार अमोल मिटकरी यांनी दिलेल्या माहितीनुसार, सुनेत्रा पवार यांची निवड एकमताने होण्याची दाट शक्यता आहे.
अजित पवार यांच्या निधनानंतर पक्षाची धुरा कोणाकडे जाणार, याकडे सर्वांचे लक्ष लागले होते. अमोल मिटकरी म्हणाले की, "सुनेत्रा वहिनींना एकमताने राष्ट्रीय अध्यक्ष करण्यासाठी आम्ही सर्व आमदार वरळीला जात आहोत. या प्रक्रियेबाबत वरिष्ठ नेत्यांमध्ये आधीच चर्चा झाली असून आज त्यावर अधिकृत शिक्कामोर्तब होईल."
राजकारण बाजूला, अजित पवारांसाठी रोहित पवारांसोबत!यावेळी मिटकरींना रोहित पवार यांच्यासोबत पोलीस ठाण्यात जाण्यावरून विचारले असता ते म्हणाले, "माझा आणि रोहित पवारांचा राजकीय प्लॅटफॉर्म वेगळा असला तरी, हा प्रश्न माझ्या नेत्याच्या अपघाताचा आहे. अजित पवारांच्या मृत्यूसाठी जबाबदार असलेल्या DGCA आणि VSR कंपनीवर एफआयआर दाखल करण्यासाठी मी रोहित पवारांसोबत गेलो होतो. केवळ रोहित पवारच नाहीत, तर एमआयएम किंवा काँग्रेसच्या आमदारानेही हा लढा सुरू केला असता, तरी मी त्यांच्यासोबत गेलो असतो."
Web Summary : Ajit Pawar's NCP will elect a national president today, likely Sunetra Pawar. Amol Mitkari explained his alliance with Rohit Pawar regarding Ajit Pawar's accident, emphasizing unity beyond political differences for justice.
Web Summary : अजित पवार की राष्ट्रवादी कांग्रेस आज राष्ट्रीय अध्यक्ष चुनेगी, संभवत: सुनेत्रा पवार। अमोल मिटकरी ने अजित पवार की दुर्घटना के संबंध में रोहित पवार के साथ अपने गठबंधन को समझाया, न्याय के लिए राजनीतिक मतभेदों से परे एकता पर जोर दिया।