Vishwajeet Kadam Vidhan Bhavan News: राज्यातील जिल्हा परिषद शाळांची घसरलेली गुणवत्ता आणि दयनीय अवस्था लक्षात घेता सांगली जिल्ह्यात यशस्वी ठरलेल्या ‘मॉडर्न शाळा’ संकल्पनेचा अवलंब संपूर्ण राज्यात करावा, अशी ठाम आणि आग्रही मागणी डॉ. विश्वजीत कदम यांनी विधानसभेतील लक्षवेधी चर्चेदरम्यान केली.
अनेक जिल्हा परिषद शाळांमध्ये मूलभूत सुविधांचाही अभाव आहे. विद्यार्थ्यांसाठी पुरेशा भौतिक सुविधा नाहीत, स्वच्छतागृहांची कमतरता आहे, सुसज्ज प्रयोगशाळा नाहीत, तर अनेक शाळा शिक्षकांविना किंवा केवळ एकाच शिक्षकावर चालत आहेत. या गंभीर परिस्थितीमुळे ग्रामीण भागातील विद्यार्थ्यांचे शैक्षणिक भवितव्य धोक्यात आले आहे, असे त्यांनी स्पष्ट केले.
यावर उपाय म्हणून २०२० ते २०२३ या कालावधीत महाविकास आघाडी सरकारच्या कार्यकाळात सांगली जिल्हा परिषदेचे तत्कालीन मुख्य कार्यकारी अधिकारी जितेंद्र डूडी यांच्या पुढाकारातून ‘मॉडर्न शाळा’ संकल्पना राबविण्यात आली. या उपक्रमामुळे शाळांची भौतिक व शैक्षणिक गुणवत्ता उंचावली, तसेच जिल्हा परिषद शाळांमधील पटसंख्येत लक्षणीय वाढ झाली. हा ‘सांगली पॅटर्न’ राज्यासाठी आदर्श ठरू शकतो, असे डॉ. कदम यांनी नमूद केले.
दरम्यान, या संकल्पनेचे स्वर्गीय अजित दादा यांनीही जाहीरपणे कौतुक केले होते आणि ती संपूर्ण राज्यात राबविण्याचा मानस व्यक्त केला होता, याची आठवण त्यांनी करून दिली. राज्यातील शिक्षणव्यवस्थेला नवी दिशा देण्यासाठी आणि ग्रामीण विद्यार्थ्यांना गुणवत्तापूर्ण शिक्षण उपलब्ध करून देण्यासाठी ‘मॉडर्न शाळा’ योजनेसाठी अर्थसंकल्पात विशेष तरतूद करून ती तातडीने राज्यभर राबवावी, अशी ठाम मागणी डॉ. विश्वजीत कदम यांनी केली.
Web Summary : Vishwajeet Kadam urged the government to implement the successful 'Sangli Pattern' statewide. This model improved school quality and enrollment in Sangli. He highlighted the lack of facilities in many schools and called for special budget allocation to implement the scheme across the state.
Web Summary : विश्वजीत कदम ने सरकार से सफल 'सांगली पैटर्न' को राज्यव्यापी लागू करने का आग्रह किया। इस मॉडल ने सांगली में स्कूलों की गुणवत्ता और नामांकन में सुधार किया। उन्होंने कई स्कूलों में सुविधाओं की कमी पर प्रकाश डाला और राज्य भर में योजना को लागू करने के लिए विशेष बजट आवंटन का आह्वान किया।