मुंबई - अजित पवार यांच्या विमान अपघातातील मृत्यूनंतर चौथ्या दिवशी सुनेत्रा पवार यांनी राज्याच्या उपमुख्यमंत्रिपदाची शपथ घेतली. या काळात दोन्ही राष्ट्रवादीच्या विलीनीकरणाबाबत अनेक मुद्दे समोर आले. अजित पवार-शरद पवार आणि इतर नेत्यांच्या बैठकीचा व्हिडिओही व्हायरल झाला. त्यात सुनेत्रा पवार यांच्या शपथविधीसाठी इतकी घाई का करण्यात आली असा मुद्दा विरोधकांनी मांडला होता. त्यावरून मुख्यमंत्री देवेंद्र फडणवीस यांनी खुलासा केला आहे. सुनेत्रा पवार यांना उपमुख्यमंत्री करण्याचा निर्णय हा राष्ट्रवादीचा होता. तो आम्ही घेतला नव्हता असं सांगत मुख्यमंत्र्यांनी यावर भाष्य केले.
मुख्यमंत्री देवेंद्र फडणवीस म्हणाले की, सुनेत्रा पवार यांच्याबाबत जो निर्णय घेतला गेला त्यात आमच्या पक्षाचा सहभाग नव्हता. राष्ट्रवादीच्या नेत्यांनी सुनेत्रा पवार यांच्याकडे उपमुख्यमंत्रिपद देण्याचा निर्णय घेतला. त्यानंतर ते नेत्यांनी मला माहिती दिली. कागदपत्रांसह ते नेते माझ्याकडे आले आणि त्यांनी एक तारीख दिली. त्यावर माझा कुठलाही आक्षेप नव्हता. राष्ट्रवादीच्या नेत्यांनी विनंती केली आणि ते आम्ही मान्य केले. तो निर्णय हा त्यांच्या पक्षाचा होता, आमचा निर्णय नव्हता असं त्यांनी सांगितले.
तसेच विलीनीकरणाबाबत जो व्हिडिओ बैठकीचा पुढे आला त्यावर राष्ट्रवादीच्या नेत्यांनी स्पष्टीकरण दिले आहे. जर अजित पवार आणि शरद पवार यांच्यात पक्षात विलीनीकरणाची चर्चा सुरू होती तर त्याच्याशी आमचा संबंध नव्हता. जर असा निर्णय झाला असता तर अजितदादांना आमचा सल्ला घ्यावा लागला असता कारण आम्ही मित्रपक्ष आहोत. परंतु माझ्यासोबत अजितदादांची अशी कुठलीही चर्चा झाली नव्हती. जर काही सीक्रेट असेल तर त्याबाबत माहिती नाही असंही देवेंद्र फडणवीस यांनी म्हटलं.
दरम्यान, अजित पवार यांच्या विमान अपघाताबाबत वेगवेगळ्या तपास यंत्रणा काम करत आहेत. DGCA याचा शोध घेत आहे. आम्हीही सीआयडीकडे याची चौकशी दिली आहे. त्याशिवाय कुटुंबाच्या सांगण्यावरून आम्ही सीबीआयलाही पत्र लिहिले आहे. जर कुठलीही शंका अथवा काही माहिती असेल तर त्या तपासणीसाठी डीजीसीएकडे पाठवण्यात याव्यात. ही एक संवेदनशील बाब आहे. जेव्हा चौकशी सुरू असते तेव्हा अनुमान लावणे योग्य नाही. आपण मृत व्यक्ती आणि कुटुंबाच्या प्रतिष्ठेचा आदर केला पाहिजे असं सांगत देवेंद्र फडणवीस यांनी रोहित पवार यांच्या आरोपावर भाष्य करणे टाळले.
Web Summary : CM Fadnavis clarified that the decision to appoint Sunetra Pawar as Deputy CM was solely Nationalist Congress Party's. The BJP had no involvement in the decision or date selection. Merger talks were also beyond BJP's purview.
Web Summary : मुख्यमंत्री फडणवीस ने स्पष्ट किया कि सुनेत्रा पवार को उपमुख्यमंत्री बनाने का फैसला राष्ट्रवादी कांग्रेस पार्टी का था। बीजेपी की इसमें कोई भूमिका नहीं थी। विलय की बातचीत भी बीजेपी के दायरे से बाहर थी।