दुभाजकात कचरा, नागरिकांची गैरसोय
लातूर : शहरातील मुख्य रस्त्यावरील दुभाजकात कचरा टाकण्याचे प्रमाण वाढले आहे. त्यामुळे वाहनधारकांसह नागरिकांची गैरसोय होत आहे. बार्शी रोड, अंबाजोगाई रोड, औसा रोड या मुख्य मार्गांवरील दुभाजकात कचरा टाकला जात आहे. वाऱ्यामुळे हा कचरा रस्त्यावर येत असल्याने वाहनधारकांची गैरसोस होत आहे. याकडे मनपाच्या स्वच्छता विभागाने लक्ष देण्याची मागणी वाहनधारकांसह नागरिकांमधून होत आहे.
विज्ञान प्रदर्शनासाठी प्रफुल्ल कांबळेची निवड
लातूर : इन्स्पायर अवाॅर्ड जिल्हास्तरीय विज्ञान प्रदर्शन सुरू झाले असून, यामध्ये स्वामी विवेकांनद विद्यालय एमआयडीसी येथील प्रफुल्ल कांबळे याच्या प्रयोगाची निवड जिल्हास्तरीय विज्ञान प्रदर्शनासाठी झाली आहे. त्याला प्राचार्य गोविंद शिंदे, उपमुख्याध्यापक प्रभाकर सावंत यांचे मार्गदर्शन लाभले. यशाबद्दल संस्थेचे अध्यक्ष माजी आ. शिवाजीराव पाटील कव्हेकर, सचिव प्रतिभाताई पाटील, उपाध्यक्ष अजितसिंह पाटील, रंजितसिंह पाटील, नीळकंठराव पवार, संभाजीराव पाटील, विनोद जाधव, चंद्रशेखर पाटील आदींसह प्राध्यापकांनी कौतुक केले आहे.
बालाघाट तंत्रनिकेतनमध्ये अभियंता दिन
अहमदपूर : येथील बालाघाट तंत्रनिकेतनमध्ये भारतरत्न मोक्षगुंडम विश्वेश्वरय्या यांचा जन्मदिवस अभियंता दिन म्हणून साजरा करण्यात आला. यावेळी संचालिका शिवलीलाताई हाके, प्राचार्य नितीन शिवपुजे, उपप्राचार्य स्वप्नील नागरगोजे, सुहास दहीठणकर, कालिदास पिटाळे, संतोष लातुरे, मदन आरदवाड, गणेश एमगीर, संग्राम कोपनर, भिसे, नीलकंठ नंदागवळे, आरती पुणे, विजय पांचाळ, विजय कुलकर्णी, सिद्राम मासोळे, सतीश केंद्रे, शरण हंद्राळे, संग्राम सुरनर आदींसह प्राध्यापकांची उपस्थिती होती.