भरधाव वाहनाच्या धडकेत CRPF जवान ठार; चालकाविरुद्ध गुन्हा दाखल
By राजकुमार जोंधळे | Published: October 6, 2023 07:43 AM2023-10-06T07:43:17+5:302023-10-06T07:45:35+5:30
सीआरपीएफच्या ४१ वर्षीय जवानाला अज्ञात वाहनाने उडविल्याची घटना गुरुवारी पहाटेच्या सुमारास घडली
भरधाव वाहनाच्या धडकेत CRPF जवान ठार; चालकाविरुद्ध गुन्हा दाखल
Next राजकुमार जाेंधळे
लातूर : भरधाव वाहनाने एका सीआरपीएफच्या जवानाला उडवल्याची घटना लातूर-नांदेड महामार्गावरील भातांगळी पाटी ते ममदापूरदरम्यान गुरुवारी सकाळी ६:३० वाजण्याच्या सुमारास घडली. यात सीआरपीएफचा जवान ठार झाला आहे. याबाबत लातूर ग्रामीण पाेलिस ठाण्यात गुरुवारी रात्री उशिरा गुन्हा दाखल केला आहे.
पाेलिसांनी सांगितले, नांदेड-लातूर महामार्गावरील भातांगळी पाटी ते ममदापूर मार्गावरील गंगाधर भाेजे यांच्या शेतानजीक सीआरपीएफच्या ४१ वर्षीय जवानाला अज्ञात वाहनाने उडविल्याची घटना गुरुवारी पहाटेच्या सुमारास घडली. यात जवान ठार झाला असून, सकाळी ६:३० वाजण्याच्या सुमारास ही घटना समाेर आली. रस्त्यालगत जवानाचा मृतदेह आढळून आल्याची माहिती मिळाली. त्यानुसार भातांगळीचे पाेलिस पाटील महादेव भालेराव यांनी लातूर ग्रामीण ठाण्याला माहिती दिली. घटनास्थळी वरिष्ठ पाेलिस निरीक्षक दीपककुमार वाघमारे यांनी भेट देऊन पाहणी केली. ४१ वर्षीय मयत जवान हा सीआरपीएफमध्ये कार्यरत असल्याची माहिती घटनास्थळावर पाेलिसांना मिळालेल्या ओळखपत्रावरून समाेर आली. ओळखपत्रावर लिंगूभेरी रवी यारय (वय ४१) सीआरपीएफ रॅक - शिपाई/ रसाेईया असे नमूद केले आहे. याबाबत लातूर ग्रामीण ठाण्यात गुन्हा नाेंद केला आहे. तपास पाेलिस उपनिरीक्षक जाधव करत आहेत.