मृत झालेल्या रुग्णांमध्ये ६० वर्षांपेक्षा जास्त वय असलेल्या १७ जणांचा समावेश आहे. तर १६ जणांचे वय ६० वर्षांपेक्षा कमी होते. यात कोरोनासह सहव्याधी असलेल्या एकाचा यात मृत्यू झाला. एकूण ३४ जणांचा सोमवारी कोरोनाने बळी घेतला आहे. तर आतापर्यंत १ हजार ८०२ मृत झाले आहेत, अशी माहिती जिल्हा शल्यचिकित्सक कार्यालयातून देण्यात आली. सध्या उपचार घेत असलेल्या ६ हजार ४५७ रुग्णांपैकी ७५८ रूग्ण आयसीयूमध्ये आहेत. ५६ रुग्ण गंभीर मेकॅनिकल व्हेंटिलेटरवर आहेत. तर ३७१ रूग्ण गंभीर बीआयपीएपी व्हेंटिलेटरवर आहेत. १ हजार १३२ रुग्ण मध्यम परंतु, ऑक्सिजनवर आहेत. ४२० रुग्ण मध्यम लक्षणाची परंतु, विना ऑक्सिजनवर आहेत. ४ हजार ४७८ रुग्ण सौम्य लक्षणाची आहेत.
प्रकृती बरी झाल्याने ८२४ रुग्णांना सुटी...
प्रकृती ठणठणीत झाल्याने ८२४ जणांना रुग्णालयातून सुटी देण्यात आली. त्यात विलासराव देशमुख शासकीय वैद्यकीय संस्थेतील २२, सामान्य रुग्णालय उदगीर येथील ५, सुपर स्पेशालिटी हॉस्पिटल गांधी चौक येेथील ३६, ग्रामीण रुग्णालय अहमदपूर येथील ७, चाकूर येथील १, एक हजार मुलां-मुलींच्या वसतिगृहातील ३१, मरशिवणी कोविड केअर सेंटरमधील ४, दापका कोविड केअर सेंटरमधील १६, कृषी पीजी कॉलेज चाकूर येथील १२, सामाजिक न्याय भवन लामजना येथील २, पुरणमल लाहोटी तंत्रनिकेतनमधील २०, समाजकल्याण हॉस्टेल कव्हा रोड येथील १७ आणि होम आयसोलेशनमधील ६४० अशा एकूण ८२४ जणांनी कोरोनावर मात केली आहे. आतापर्यंत ७७ हजार ३२ रुग्ण बरे होऊन घरी परतले आहेत. बरे होण्याचे प्रमाण ९०.३१ टक्के आहे.