Latest Marathi News

वाढली चंद्रपूरची शान : चिमुरड्या वयात झाला चार विक्रमांचा धनीगोपालकृष्ण मांडवकर चंद्रपूरचंद्रपुरातील शिशिर उर्फ ध्रृव सुभाष कामडी या साडेपाच वर्षे वयाच्या चिमुरड्याने रविवारी चंद्रपूरचे नाव पुन्हा देशभर पोहोचविले. यापूर्वी २६ डिसेंबर २०१५ रोजी ६.३ मीटर उंचीखालून १० मिटर अंतर लिंबो स्केटिंगने पार करून गिनीज बुक आॅफ वर्ल्ड रेकॉर्डमध्ये स्वत:च्या नावाचा विक्रम प्रस्थापित करणाऱ्या शिशिरने इंडिया बुक आॅफ रेकार्डमधील स्केटिंगचा जुना विक्रम मोडीत काढून स्वत:चा नवा विक्रम प्रस्थापित केला.फास्टेस्ट क्वॉर्टर मॅराथॉन स्केटिंगअंतर्गत चंद्रपुरातील एमआयडीसी परिसरातील मार्गावर १०.५५ किलोमीटर लांबीचे अंतर अवघ्या ३४ मिनिटे ६ सेकंदात त्याने पार केले. इंडिया बुक आॅफ रेकॉर्डमध्ये कोइम्बतूर येथील के. दर्शनी नामक बालिकेच्या नावाने १०.५५ किलोमीटर लांबीचे अंतर ४१.३ मिनिटांच्या आत कापण्याचा विक्रमाची नोंद होती. तिचा हा विक्रम शिशिरने मोडीत काढून चंद्रपूरच्या शिरपेचात मानाचा तुरा रोवला.या विक्रमासाठी त्याने दुपारी ४ वाजता स्केटिंग केले. त्याच्या या विक्रमी क्षणाचे साक्षीदार होण्यासाठी चंद्रपुरातील जनता मोठ्या संख्येने गोळा झाली होती. अनेक लहान मुले हातात फ्लॅक्स घेवून त्याच्या धावण्याच्या मार्गावर प्रोत्साहन देण्यासाठी आवर्जून उपस्थित होती. कुणी चॉकलेट आणले होते. तर कुणी गुलाबाची फुले त्याच्यासाठी आणली होती. लगतच्या मंडपात देशभक्तीपर गाणी वाजत होती. शेकडो माणसे त्याच्या कौतुकासाठी आली होती. मात्र शिशिरचे त्याकडे जराही लक्ष नव्हते. पायात स्केटिंगची चाके चढवून आणि डोक्यावर हेल्मेट घालून तो केव्हाचाच सज्ज होता. बरोबर ४ वाजून पाच मिनिटांनी इंडिया बुक आॅफ रेकॉर्डच्या वतीने वतीने आलेले पंच डॉ. मनोज तत्ववादी यांनी शिट्टी वाजूवन या विक्रमाला प्रारंभ करताक्षणी त्याने धावायला सुरुवात केली. एक किलोमीटर लांबीच्या चढउताराच्या रस्त्यावरून तो बेभानपणे धावत राहिला. स्कॉडकॉप्टरच्या माध्यमातून त्याच्या धावण्याचे शुटिंग अवकाशातून सुरू होते. मार्गात दुतर्फा उभे राहून शेकडोजण त्याला प्रोत्साहन देत होते. टाळ्या वाजवून त्याला जोश भरवित होते. पण तो बिनधास्त धावत राहीला.धावताना त्याला तिनदा तहान लागली. तरीही तो थांबला नाही. प्रशिक्षक धावतानाच पाण्याची बाटली त्याच्या हाती द्यायचे, क्षणासाठी न थांबता धावतच तो पाणी पिऊन पुन्हा नव्या जोमाने पुढे सरसावायचा. बघता बघता घड्याळाच्या काट्यांनी ३४ मिनीटे आणि ६ सेकंद पार केले आणि या क्षणीच त्याने १०.५५ किलोमीटरचे अंतर पार केले. प्रचंड जल्लोष, फटाक्यांची आतीशबाजी, हीप हीप हुर्यों, शाबार शाबास, वाह रे पठ्ठे..!अशा आरोळ्यांनी आसमंत निनादला. हा क्षण एक नवा विक्रम घेवून शिशिरच्या पुढे उभा ठाकला.प्रतिकुलतेवर मातयापूर्वी या विक्रमाची नोंद असलेल्या कोइम्बतूर येथील के. दर्शनी नामक बालिकेने हे अंतर सलगपणे १०.५५ किलोमीटरच्या टप्प्यात पार केले होते. मात्र चंद्रपुरात वाहतुकीच्या दृष्टीने एवढा लांब मोकळा मार्ग नसल्याने शिशिरला एक किलोमीटर लांबीच्या मार्गावरून पाच फेरे मारावे लागले. रस्ताही चढउताराचा होता. पावसाळ्याचे दिवस असले तरी सुर्यही चांगलाच तापला होता. फेरे घेताना त्याचा वेग मंदावायचा. तहानही लागायची. एक किलोमीटर लांबीच्या मार्गावरून पाच वेळा फेरे घेताना त्याचा मंदावणारा वेग आणि चढ उताराचा मार्ग यामुळे तो वेळेत अंतर पार करणार की, नाही, अशी अनेकांना धास्ती होती, मात्र या प्रतिकुलतेवर मात करीत त्याने अवघ्या ३४ मिनिटे आणि ६ सेकंदात हे अंतर पार केले. या मार्गावरून सराव करतानाही तो अनेक प्रसंगांना सामोरा गेला. एकदा तो अँब्युलन्सला धडकला. त्याच दिवशी एका भरधाव दुचाकीपुढेही तो आला होता. पण या प्रतिकुलतेवर मात करीत तो यशापर्यंत पोहचला.

आमिर खान आणि सलमान खान यांची मैत्री अतिशय घट्ट आहे. आपल्या मित्राने एखादी चूक केल्यास त्याला पाठीशी न घालता ... ...

केंद्रीय मंत्रिमंडळाचा मंगळवारी विस्तार होणार असून सकाळी 11 वाजता नवीन मंत्री शपथ घेणार आहेत ...