Latest Marathi News

पुणे : पंतप्रधान नरेंद्र मोदी यांच्या गुरुवारी पुण्यात झालेल्या सभेत त्यांना देण्यात आलेल्या स्वराज्य रक्षक फेट्याची सर्वत्र चर्चा आहे. सोन्याचा मुलामा देण्यात आलेल्या या फेट्यावर कमळ आणि चक्र यांचे नाजूक नक्षीकाम करण्यात आले होते. गुरुवारी महायुतीच्या उमेदवारांसाठी पंतप्रधान नरेंद्र मोदी यांची सभा पार पडली. या सभेकरिता पुणे शहर आणि जिल्ह्यातील कार्यकर्ते मोठ्या संख्येने उपस्थित होते. या सभेत मोदी यांचा सत्कार करताना त्यांना खास स्वराज्य रक्षक फेटा आणि उपरणे देण्यात आले. कमळ आणि चक्र यांच्या नक्षीकामाने हा फेटा विशेष उठून दिसत होता. शहरातील मुरुडकर फेटेवाले'च्या गिरीश मुरुडकर आणि त्यांच्या कारागिरांनी मिळून हा फेटा बनवला आहे. त्याबाबत माहिती देताना मुरुडकर म्हणाले की, ' फेट्याच्या एका बाजूला चक्रे लावण्यात आली असून ती खालून वरच्या दिशेने फिरतात. त्यातून विकासाचा रथ वरच्या दिशेने जात असल्याचे प्रतीक व्यक्त करण्यात आले आहे. दुसरीकडे याच फेट्यावर भाजपचे चिन्ह असलेले कमळ लावण्यात आले आहे. त्याला सोन्याचा मुलामा देण्यात आला असून संपूर्ण रेशमी कापडात आणि भगव्या रंगात हा फेटा बनवण्यात आला. या फेट्याकरिता अनेक पॅटर्न आणि डिझाईन तयार करण्यात आली होती. अखेर स्वराज्य रक्षक पॅटर्न अंतिम करून त्यावर काम करण्यात आले. या फेट्याचे काम सुमारे आठवडाभर सुरु होते. काल मोदी यांच्या सभेत त्यांच्या फेट्याविषयी पुणेकरांसह सर्वत्र उत्सुकता होती.

साखर, उपपदार्थ विक्रीची माहिती आॅनलाईन करू : मलिक ...

दिग्रस शहराची तहान भागविणाऱ्या नांदगव्हाण धरणाची पुनर्बांधणी करण्याचा प्रस्ताव शासन दरबारी मंजूर झाला आहे. ...

विजासन बुद्धलेणी ट्रस्ट भद्रावतीच्या वतीने शनिवारी धम्म रॅलीचे आयोजन करण्यात आले. ...

रक्तदाब तपासणीकडे सर्वसामान्य माणूस दुर्लक्ष करतो आणि त्यातूनच गंभीर आजार उद्भवतात. ...

येथून ३० किलोमीटर अंतरावर लाखो रुपये खर्च करून मौलझरी तलावाचे बांधकाम करण्यात आले. ...

भरधाव वेगाची ‘झिंग’ चढलेल्या वाहनचालकांसाठी शहरातील दारव्हा मार्ग मृत्यूचा सापळा झाला आहे. ...

जिल्ह्यात गेल्यावर्षीचेच तब्बल ४० हजार मेट्रिक टन खत शिल्लक आहे. ...

नेर तालुक्यातील ब्राह्मणवाडा (प) येथे झालेल्या सर्वधर्मीय सामूहिक विवाह मेळाव्यात ५० जोडपी विवाहबद्ध झाली. ...