Latest Marathi News

पेट्री : कासच्या फुलोत्सवाला हजारो लोकांची गर्दी होत असताना कास पुष्प पठाराची भुरळ परदेशी नागरिकांना पण पडत आहे. शनिवारी दक्षिण कोरियन नागरिकांनी कासला भेट देत येथील विविधरंगी फुलांच्या दुनियेचा आनंद घेतला. दरम्यान, पठारावरील सौंदर्याचे खूप कौतुक केले.हजारो किलोमीटर दूरवरून आलेल्या दक्षिण कोरिया नागरिकांमध्ये नामवंत कंपनीचे कार्यकारी व्यवस्थापक एस. डब्ल्यू. शीम, ऑपरेशन हेड इंडिया प्लांटचे बी. एच. चोई, जे. एम. कीम, माल गावन जंग, प्रशांत येवले, हेमंत कदम इतर वरिष्ठ अधिकारी उपस्थित होते. वनविभाग, समितीमार्फत त्यांचे स्वागत केले गेले. हेरिटेजवाडीमध्ये ढोल, ताशा, शिंग फुंकून, पुष्पहार घालून परदेशी पाहुण्यांचे स्वागत करण्यात आले.गतवर्षी जपानसह इतर देशाच्या पर्यटकांनीही कासला भेट देऊन आनंद व्यक्त केला होता. सद्य:स्थितीत कास पठारावर तेरडा, गेंद, सीतेची आसवे, मंजिरी, सोनकी, टोपली कारवी या फुलांची संमिश्र उधळण पाहावयास मिळत आहे. फुलोत्सव ऐन बहरात आहे. गेली चार पाच दिवस पावसाच्या रिपरिपीनंतर दोन चार दिवसांपासून पाऊस चांगलाच उघडला आहे. वातावरण आल्हाददायक आहे. निळेशार आकाश, अधूनमधून येणारे धुके आणि थंडगार वारा अशा मनमोहक वातावरणात कासवरील फुलांचा स्वर्ग बहरला आहे. विकेंड साधून पर्यटकांनी प्रचंड गर्दी केली होती.बैलगाडीची सफर करताना भारावून गेलेपरदेशी पाहुण्यांना कास पुष्प पठारावरील फुलांच्या सौंदर्याची चांगलीच भुरळ पडली होती. कुमुदिनी मार्गावरील बैलगाडीची सफर करताना पाहुणे भारावून गेले. बैलगाडी सफर निसर्ग आणि फुलांच्या सौंदर्यासह कॅमेऱ्यात कैद करत सेल्फी काढण्याचा मोह त्यांना आवरत नव्हता.कास पठारावर खूप सुंदर फुले उमलली आहेत. येथील फुलांची निगा चांगल्याप्रकारे राखण्यात आली आहे. पठारावरील व्यवस्थापन पाहता वनविभाग व समितीचे खूप कौतुक वाटते. - एस. डब्ल्यू. शीम, दक्षिण कोरिया, परदेशी पाहुणे

Maharashtra Politics : काँग्रेस आमदार विजय वडेट्टीवार यांनी मुख्यमंत्री देवेंद्र फडणवीस यांचे कौतुक केले आहे. ...

Agriculture News : गत महिनाभरापासून भेंडीला (Bhendi Market) प्रति किलो ३० रुपयांचा दर मिळत आहे. ...

Bhandara : नागपूर विभागात महसूल देणारे तुमसर तिसऱ्या क्रमांकाचे रेल्वे स्थानक ...

Bhandara : चरण वाघमारे यांच्याकडून याचिका दाखल ...

सुरेश धस यांनी गंभीर आरोप करत धनंजय मुंडेंसह त्यांच्या कार्यकर्त्यांना आव्हान दिलं आहे. ...

वेळ चोख पाळणारा माणूस! प्रिया बापटला रितेशचं कौतुक ...

२०२४-२०२५ च्या रेडिरेकनर दरानुसार या जमिनीची किंमत अंदाजे ६६० कोटी रुपये इतकी आहे. ...

मन प्रसन्न आहे? प्रेमानंद महाराजांच्या प्रश्नावर विराट म्हणाला... ...