Latest Marathi News

जगदीश जोशी - नागपूरउपराजधानी चोरांच्या जाळ्यात अडकली आहे. नवीन टोळी किंवा बाहेरच्या साथीदारांच्या मदतीने या चोरांनी पोलिसांना हैराण करून सोडले आहे. सर्वसामान्य नागरिकांमध्ये या चोरांची दहशत असून ते बाहेर निघायलाही घाबरत आहेत. एकूणच या चोरट्यांमुळे पोलीसही त्रासले आहे.मागील काही वर्षांपासून नागपूर शहर झपाट्याने वाढत आहे. लोकसंख्येचा विचार केला असता पोलिसांकडील साधनसामुग्री आणि मनुष्यबळाच्या संख्येत मात्र फारशी वाढ झालेली नाही. त्यामुळे पोलीस प्रभावीपणे संबंधित भागापर्यंत पोहचू शकत नाहीत. त्यामुळे हुडकेश्वर, कोराडी, वाडी, अजनी, सोनेगाव, एमआयडीसी आदी पोलीस ठाणे परिसरातील वस्त्यांमध्ये चोरींचे प्रमाण वाढले आहे.सहायकही ठेवले आहेतचोरीच्या घटनेत सराईत गुन्हेगार सामील असतात. शहरात २५ पेक्षा अधिक सराईत गुन्हेगार आहेत, जे अनेक वर्षांपासून चोरीच्या धंद्यात आहेत. यापैकी काही गुन्हेगार तर असे आहेत, ज्यांचे संपूर्ण कुटुंबच चोरीमध्ये सामील असते. त्यामुळे पोलिसांना त्यांच्यावर नेहमीच लक्ष ठेवून राहावे लागते. सातत्याने पकडले जात असल्याने चोरांनी चोरी करण्याची पद्धत बदललेली आहे. त्यांनी चोरी करण्यासाठी आपले सहायक ठेवले आहेत. त्यांना समोर ठेवून चोरी केली जाते. त्यामुळे पोलिसांच्या हाती लागण्याचा धोका कमी असतो. शंकर मौजे, योगेश बांते, सुनील कठोते यांसारखे डझनभर चोर आहेत. ज्यांच्या नावामुळे पोलीसही त्रस्त आहेत. चोरी करून त्यांनी चांगलीच माया जमविली आहे.बाहेरच्या गुन्हेगारांचा भरणाशहरात सध्या बाहेरून आलेल्या चोरांचा दबदबा आहे. त्यांची टोळी दोन पद्धतीने संचालित केली जात आहे. एका टोळीत केवळ बाहेरचेच गुन्हेगार आहेत तर दुसऱ्या टोळीत स्थानिक गुन्हेगारांची मदत घेतली जात आहे. शहरातील भौगोलिक माहिती असल्याने बाहेरचे गुन्हेगार स्थानिक गुन्हेगारांची मदत घेत आहेत. नागपुरात बाहेरच्या गुन्हेगारांना आपले पाय मजबूत करता येणे सहज शक्य आहे. नागपूर हे मध्यप्रदेश व छत्तीसगडला लागून आहे. त्यामुळे त्या राज्यातील गुन्हेगारांना येथे ये-जा करणे सहज शक्य आहे. चोरी केल्यानंतर गुन्हेगार आपल्या राज्यात सहजपणे पळून जातात. तसेच तिथल्या पोलिसांपासून वाचण्यासाठी नागपुरात येतात. गेल्या काही दिवसात चोरीच्या मोठ्या घटनांमध्ये बहुतांश वेळा बाहेरच्याच आरोपींना पकडण्यात आलेले आहे.अनेक गुन्हेगार बांधकामाचे मजूर म्हणून येथे आले आहेत. काही चोरीच्या घटनांमध्ये परिसरात इमारतीचे बांधकाम सुरू असल्याचे निदर्शनास आले आहे. बाहेरच्या गुन्हेगारांवर पाळत ठेवण्यासाठी गुन्हे शाखेने ‘इंटर स्टेट क्राईम कॉन्फ्रेन्स’ सुरू केली होती. परंतु अनेक दिवसांपासून याकडे कुणाचेच लक्ष नाही.सेल्समन बनून करतात पाहणीपोलिसांच्या नजर चुकविण्यासाठी आणि माहिती गोळा करण्यासाठी सराईत चोरांनी पारंपरिक पद्धती सोडली आहे. ते आता सेल्समन बनून वस्तीवस्तींमध्ये फिरतात व माहिती घेतात. ते महिलांशी संबंधित वस्तुंचीच विक्री करतात. महिलाही त्यांना प्रतिसाद देतात. महिलांसोबत बोलत असताना काही वेळातच ते घरातील आर्थिक परिस्थिती समजून घेतात. तसेच वस्तीत गल्लोगल्ली फिरून भौगोलिक माहिती समजून घेतात. त्यानुसार चोरी केल्यावर ते सहजपणे पळून जातात.झोपडपट्टींमध्ये पसरले आहे जाळेचोरांचे जाळे शहरातील झोपडपट्टींमध्ये पसरले आहे. पोलीस झोपडपट्टींवर धाड टाकतात. परंतु ही कारवाई फारशी प्रभावी राहत नाही. त्यामुळे संबंधित हाती लागत नाहीत. झोपडपट्टींमध्ये आश्रय घेणे गुन्हेगारांसाठी सहज सोपे असते. एकेकाळी झोपडपट्टींची माहिती देण्यासाठी पोलिसांकडे विशेष खबरे राहत होते. परंतु आता त्यांची जागा अवैध दारू किंवा जुगार अड्डे चालविणाऱ्यांनी घेतली आहे. त्यांच्याकडून हप्ता वसुलीशिवाय पोलिसांचे कुठलेही संबंध नाही.मोबाईलच्या भरवशावर पोलीसचोरीच्या घटनेतील तपास मोबाईलवर सुरू होऊन तिथेच संपतो. मोबाईलची चोरी झाल्यास पोलीस मोबाईलच्या भरवशावर त्याचा तपास करीत असतो. पोलिसांच्या क्षमतेची माहिती असल्याने चोर महागातल्या महाग मोबाईललाही हात लावत नाही. बाहेरच्या राज्यातून चोरलेल्या मोबाईलचा वापर केला जातो. त्यामुळे त्यांच्या लोकेशनचा पत्ता लावताना ते बाहेरच्या राज्यातील असल्याचे लक्षात येते. तिथे गेल्यावर तो मोबाईल चोरीचा असल्याचे आढळून येताच पोलिसांचा तपासही अडकून जातो.नागरिकही जबाबदारचोरीच्या घटनांसाठी नागरिकही तितकेच जबाबदार आहेत. घराला सजवण्यासाठी लाखो रुपये खर्च केले जातात. परंतु त्याच्या सुरक्षेकडे मात्र दुर्लक्ष करतात. लाकडाच्या दरवाजावर साधारण कुलूप कोंडा लावला जातो. त्याला तोडण्यासाठी एक मिनिटाचाही वेळ लागत नाही. खिडक्यांचे ग्रील सुद्धा कमजोर असते. सुरक्षा अलार्म किंवा सीटीटीव्ही लावण्यासही मागे पुढे पाहिले जाते. शेजाऱ्यांशी संबंध ठेवण्याची प्रथासुद्धा आता बंद झालेली आहे.पोलिसांशी असहकार्यचोरीच्या घटनांमुळे पोलीसही चिंतेत असून ते सुद्धा लक्ष ठेवून आहेत. ज्या परिसरात चोरीच्या घटना अधिक होत आहेत.त्या भागातील नागरिकांना घर बंद करून बाहेर जातांना पोलिसांना सूचना देण्याचे आवाहन करण्यात आले आहे. बंद घरात राहून चोरांना रंगेहात पकडण्याची पोलिसांची योजना आहे. परंतु यासाठी आतापर्यंत कुणीही पुढे आलेले नाही. नागरिकांना ‘रिझल्ट’ हवा आहे, ‘रिस्क’ नको.

आठ लाखांहून अधिक प्रवाशांपैकी केवळ १३ हजार ७०० ज्येष्ठ नागरिकांनीच सवलत नाकारत पूर्ण तिकीटावर प्रवास केला.. ...

टेलिस्कोप प्युर्टोरिकाच्या अरेसिबो ऑब्झर्व्हेटरीपेक्षा 2.5 पटींनी संवेदनशील आहे. ...

ट्वेन्टी-२० विश्वचषक डोळ्यासमोर ठेवून तो पुन्हा एकदा देशाकडून खेळताना दिसणार आहे. ...

जसा बॉल आला तसा टोलावा लागतो, असे म्हणत दानवेंनी ठाकरे सरकारचा चांगलाच समाचार घेतला. ...

या प्रकरणाची दखल घेत रेल्वे प्रशासनाने आरोपी जवान अमितला तडकाफडकी निलंबित केले आहे. ...

नरेंद्र मोदींची तुलता छत्रपती शिवाजी महाराजांशी; राज्यभरात ठिकठिकाणी व्यक्त केले निषेध ...

नागरिकता दुरूस्ती कायद्याविरुद्ध समस्तीपूर येथे संविधान बचाव संषर्घ समितीद्वारे ...