Latest Marathi News

पुणे : ज्येष्ठ नागरिक पेन्शनची रक्कम काढण्यास एटीएममध्ये येतात हे माहिती असल्याने तो ए टी एम समोर थांबायचा. ज्या ज्येष्ठ नागरिकांना एटीएम मशीन मधून पैसे काढता येत नाहीत, अशा ज्येष्ठ नागरिकांस पैसे काढण्यास मदत करण्याचे भासवत त्यांच्याकडून एटीएम कार्डचा पिन नंबर व एटीएम कार्ड हातात घेतल्यानंतर हातचलाखीने दुसरे एटीएम कार्ड बदलून एटीएम कार्ड मशीनमध्ये टाकल्यानंतर तो एटीएम पीन मॅच होत नसल्याचे सांगायचा.बँकेत जाऊन चौकशी करा, असे सांगून तो तेथून निघून जायचा. अशाप्रकारे हातचलाखीने ए टी एम कार्डची अदलाबदली करुन २१ ज्येष्ठ नागरिकांची फसवणूक करणा-या आरोपीला विश्रामबाग पोलिसांनी अटक केली. आरोपीकडे तब्बल १६६ एटीएम कार्ड सापडली आहेत. त्याने पुण्यातील २१ नागरिकांच्या केलेल्या फसवणुकीपैकी पैकी १६ गुन्हे उघडकीस आणून १३ लाख ९० हजार ७०० रुपयांचा ऐवज हस्तगत करण्यात आला आहे.राजू प्रल्हाद कुलकर्णी (वय ५४, रा. नेताजीनगर, अलानहली, म्हैसूर, कर्नाटक, सध्या रा. धनकवडी) असे आरोपीचे नाव आहे. त्याच्याकडून १६ गुन्हे केल्याचे उघडकीस आले असून त्यात १७ लाख ९२ हजार ७०० रुपयांची रक्कम हडपली होती. त्यापैकी १३ लाख ९२ हजार ९०० रुपये हस्तगत करण्यात विश्रामबाग पोलिसांना यश आले आहे. शास्त्री रोडवरील महाराष्ट्र बँकेच्या एटीएम सेंटरमध्ये एकाने ज्येष्ठ नागरिकाचे ए टी एम कार्ड बदली करुन त्यांच्या खात्यातून २२ हजार रुपये काढून घेऊन फसवणुक केली होती. २ फेब्रुवारी रोजी घडलेल्या या गुन्ह्याच्या तपासात करताना पोलीस अंमलदार मयुर भोसले व आशिष खरात यांनी तांत्रिक विश्लेषण व गोपनीय खबरीच्या मदतीने राजू कुलकर्णी याला ताब्यात घेतले. त्याची झडती घेतली असता त्याच्याकडे वेगवेगळ्या बँकेचे तब्बल १६६ ए टी एम कार्ड मिळून आले. अधिक चौकशीत त्याने हातचलाखीने अनेकांची फसवणुक केल्याचे उघड झाले. आतापर्यंत त्याने २१ नागरिकांची फसवणूक केल्याचे निष्पन्न झाले आहे. त्यापैकी १६ गुन्हे दाखल असल्याचे दिसून आले आहे. त्यात एकूण १७ लाख ९२ हजार ७०० रुपयांची त्याने फसवणूक केल्याचे उघड झाले आहे. त्यात विश्रामबाग( ५ लाख ७९ हजार), सहकारनगर (३लाख ५५ हजार), कोथरुड (२ लाख ४५हजार), सिंहगड रोड, बिबवेवाडी (प्रत्येकी १ लाख) शिवाजीनगर (८० हजार रुपये) यांचा समावेश आहे. ही कारवाई पोलीस आयुक्त अमितेशकुमार, सह पोलीस आयुक्त रंजनकुमार शर्मा, अपर पोलीस आयुक्त प्रविणकुमार पाटील, पोलीस उपायुक्त संदीपसिंह गिल, सहायक पोलीस आयुक्त साईनाथ ठोंबरे यांच्या मार्गदर्शनाखाली वरिष्ठ पोलीस निरीक्षक विजयमाला पवार, पोलीस निरीक्षक (गुन्हे) अरुण घोडके, पोलीस उपनिरीक्षक मनोज बरुरे, पोलीस अंमलदार अशोक माने, मयुर भोसले, सचिन कदम, गणेश कोठे, आशिष खरात, अर्जुन थोरात, राहुल मोरे, शिवा गायकवाड, संतोष शेरखाने, नितीन बाबर व सागर मोरे यांनी केली आहे.अनेक जण फसवणुकीपासून अनभिज्ञचविश्रामबाग पोलिसांनी हस्तगत केलेल्या एटीएम कार्डवरुन फसवणुक झालेल्या ज्येष्ठ नागरिकांशी संपर्क साधला असता त्यातील अनेकांनी बँक खात्यात किती शिल्लक आहे, हेच पाहिले नसल्याने आपली फसवणूक झाल्याबाबत ते अनभिज्ञच होते असे पोलिसांनी सांगितले.कन्नड भाषिकांची घेतली मदतराजू कुलकर्णी हा काहीही बोलत नाही. आपल्याला मराठी समजत नाही, असे सांगतो. त्यामुळे त्याला बोलते करण्यासाठी पोलिसांनी कन्नड भाषिकांची मदत घेतली. त्याने इतरही शहरामध्ये आणखी गुन्हे केले असण्याची शक्यता असल्याचे पोलिसांचे म्हणणे आहे.

देशात सध्या मंदीचे वारे सुरू आहेत. यामुळे गेले वर्षभर वाहन क्षेत्रामध्ये सुस्ती आली आहे. ...

जर तुम्ही हिवाळयाच्या वातावरणात आपल्या पार्टनरसोबत कुठे फिरायला जाण्याचा विचार करत असाल. ...

एकापाठोपाठ सात हिट चित्रपट दिल्यानंतर बॉलिवूड अभिनेता आयुषमान खुराना आता आणखी एक कॉमेडी सिनेमा घेऊन येत आहे. ‘ ...

काँग्रेसचे राष्ट्रीय नेते आणि स्थानिक नेत्यांमध्ये नागरिकत्व कायद्यावरून संभ्रम असल्याचे दिसून येत आहे. ...

आज सर्वोच्च न्यायालयात सुनावणी पार पडली असून सर्वोच्च न्यायालयाने ही याचिका फेटाळली आहे. ...

कमेंट्स वाचून येईल हसू ...

आम्ही विमानतळ परिसर सुरक्षितपणे खाली केला आहे. ...